LA ISTORIA DE «SIMON I GARFUNKEL» trezladado por Simon Geron

Keridos amigos i amigas.

En el Jewish News de esta semana ‘Jessica Abelsohn» presento su artikolo sovre «Simon i Garfunkel», kantantes bien konosidos desde muncho tiempo, ke son djudios. [En mi vida kuando la djente se reia de mi nombre, me yamavan «Simon The Garfunkel’ asosiandome kon eyos komo un Judio].
Estos 2 ombres eran los mejores en la muzika de 1960. Sus kantikas eran «The Sound Of Silence, Mrs. Robinson, Bridge Over Thailand Waters». La istoria mos konta ke se topan oy en «PSIGA en Kew Gardens Hills» Paul Simon i Arthur Garfunkel vienen de famiyas djudias de New York i ke estas famiyas les avian dado el instinkto de la muzika. Los 2 se enkontraron en la eskola primera i salio ke eran pasionados por la muzika. Ansi se metieron endjuntos a eskrivir kantikas aparte de la muzika sekular. Estavan inspirados por la muzika djudia tradisional.

El amor de Garfunkel por la muzika empeso kuando tenia 5 anyos i kuando djugava Baseball. Lo veyian como el tipo djudio de New York ke tenia ke azer kon sus parientes siendo imigrantes o de la Primera Jenerasion de Amerikanos. Por finir los 2 gravitaron entre la Muzika Preta o el Baseball en la bushkeda de una Kultura Alternativa. Sus enkontro tomo lugar kuando tenian 10 anyos en performando en la eskola kantando «Alice In Wonderland» i «The Girl For me».

Segun la leyenda el padre de Simon eskrivia las palavras de las kantikas en papel para ser uzadas. Pero el kamino a la popularidad iva tomar su tiempo. En 1957 basho el nombre «Tom And Jerry». se eskrivio «Hey School Girl» kontinuando los estudios en eskolas diferentes kuando en realidad sus destino tenia un otro plano. A la fin de 1960 se reunieron i firmaron un kontrato kon «Columbia Records» kreando un album en 1964 kon las kantikas «Wednesday Morning 3 AM» i «The Sound of Silence», Esto atiro la atension asta el punto de azer el filmo «The Graduate» en 1967.

Estavan en el kamino a ser artistos grandes i populares, ma la relasion entre los dos no andava buena, kon sus tensiones i dezakordos. Simon era un perfeksionisto i kijo tener kontrol sovre Garfunkel. En kontra Garfunkel, era uno adorado por su boz anjelika ande a vezes el no savia topar sus pies en la sombra de Simon.

En 1970. la pareja se separo i en 1972 se reunio de muevo en Central Park/New York en performando en frente de 500.000 personas. Se fueron asta 1981 en un tur i se separaron de muevo en 2003.

Sus kantikas eran el produkto kultural rezonando kon el publiko por jenerasiones. Se fueron mismo a la Australia i a Londra en 2018 aziendo el Tur del Mundo. Para los amantes de sus kantikas, sera bueno ke agan el esforso de mostrarlas a los ke no las konosen. En la istoria de Simon i Garfunkel yevan a la djente a todas sus kantikas ke avian formado la banda.

Trezladado por Simon Geron de Sydney

Fuente: Ladinokomunita