LA İNTELİJENSYA ARTİFİCİAL por Forti Barokas (teksto i boz)

Oy en dia, la tema aktual es la “inteijensya artİficial”. Chikos, adolesantes, elevos i mezmo mozos las ke ya tomimos anyikos, ken por las lisyones, ken por konferensyas ken por traduksyones i ken por, oy, kualo ke gize, todo se esta demandando al CHATGPT. Para bueno ke aproveche porke todas las inovasyones tyenen sus perikolos. Kuando salyo el telefon mobil, yo dishe no tengo de menester yo no lavoro, en kaza ya tengo telefon, no fue lo ke dishe, agora un punto no mos estamos puedyendo pasar sin el. Mezmo kuando salyo el komputer munchos ofisyos se deperdyeron  i agora el CHATGBT.

Esta mueva teknolojia kreyo ke va simplifikar la vida umana. Ma no mos olvidaremos ke no es ni mediko, ni enjenyor no avokato, no es persona.
Para mi la intelijensya umana es dono del Dyo. Entender presto, pensar djusto i konoser el karakter de una persona kon una palavra ke avlo. Ay personas ke eskaparon tres universitas i no son entelijentes. En este sujeto va partajar un artikolo ke meldi. Vozos vash a dar karar kuala intelijensya es mas valoroza.

En una klasa un elevo le demanda al profesor

-Profesor es ke egziste friyo?

-Komo de demanda es esto, siguro ke egziste friyo tu en invyerno no sintites friyo?

-No profesör ensisto ke no ay friyo. Sigun las leyes de la sensya fizika, mozos dizimos friyo kuando no syentemos kalor. Alora profesör tengo otra una demanda eske egziste oskuridad

-Siguro ke egziste, tu no kedades en la oskuridad?

-Profesör de muevo el se yerra no egziste oskuridad

-Komo no egziste

-Oskuridad es el byervo ande no ay luz, enriva la luz puedemos lavorar puedemos investigar ma no puedemos estudyar la oskuridad. Alora profesor   tengo una ultima demanda, eske egziste el satan?

-Siguro ke egziste el satan. Lo vemos kada dia i en todas las partes. Lo vemos kuando uno kulpa, mata u aze negreguras esto es el satan.

-No profesor, el satan no egziste. Esto es enventa del benadam, para dizir ke no ay dyo. El satan i la negregura es kuando el benadam no konsyente la kerensya i la kreensa de dyo. Komo kuando no ay kayentura, dizimos friyo u byen kuando no ay luz, dizimos oskuridad.
El profesor kon estas demandas i kon las repuestas enteresantes ke las dyo kon las leyes de la sensya fizika, kedo enkantando i le demando:

-Elevo komo te yamas

-ALBERT EİNSTEİN

Forti BAROKAS

Fuente: turkisrael.org.il

Tags

Check Also

Pedrimos a un grande haham i muy kerido amigo: Yehuda Hatsvi, bendicha sea su memoria

  Oy konosimos ke muestro kerido amigo Yehuda Hatsvi mos desho la buena vida el …

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.

Liliana y Marcelo Benvensite
© Copyright 2008-2025 - Todos los derechos reservados - eSefarad - Centro Cultural Sefarad - Politica de Privacidad