eSefarad Noticias del Mundo Sefaradi
Buenos dias kon sanedad keridos.
Pasimos una semana, ke fue triste para unos de nozotros. No pensava de nombrar jugadores en sena en este priodo; ke tomaron parte, en la animasia de el tiatro ladino.
Ma la vida siempre tuvo su kamino, fue i va ser, maz forsuda de todos nozotros. Ansi ke sin denguna informasion, resivi una deklarasyon diziendo ke «Suzet Menda» moz desho la vida buena.
Suzet era una de las primeras artistas; ke fue aunada kon el tiatro amator en Israel, ke lo fondimos en el Klup Kultural Bat Yam. En anio 1988. Kon su ambisia ayego a adelantar, i tomar lugar en el principio de la lista de las artistas en Ladino en Israel. Tuvimos una buena kolaborasion en el tiempo ke lavorimos en dcuntos.
Ganeden bueno tenga!
No esto seguro, ke le puedimos retornar la premia optimala ke meresia; en kontrario de sus ovras ke partisipo en vida.
Aki dezeo asosiar kon vos la poezia:
Ansi se trembla telon
Se avre la kortina.
En la shena, un arvole para enkolgar
Una roza en el dekor.
Empesa el jugo
Va saltando el paliacho
De aki, aya.
Rien la docente,
Se suve a el arvole
Se pasa lakuedra enkolgada
Se solta enduna,
Vaaooo! Se siente.
El palyaco luchando!!!
Palmas en el salon…
Eskuridando la roza en el dekor….
El telon se trembla …
Se avre la kortina.
En la shena, un arvole para enkolgar
Una roza en el dekor.
Empesa el jugo
Va saltando el paliacho
De aki, aya.
Rien la docente,
Se suve a el arvole
Se pasa lakuedra enkolgada
Se solta enduna,
Vaaooo! Se siente.
El palyaco luchando!!!
Palmas en el salon…
Eskuridando la roza en el dekor….
El telon se trembla …
Me pardonarash esta semana, por la razon ke no kumpli mi dover.
Malgrado de todos los mezos de seguridad. Kuando todo el mundo` decidió ke no egziste. La KORONA enbelada; desidio de vijitar en kaza i metermos en kama marido i mujer.
Kon esperanza de kontunear ala semana ke viene.
Saludozos todos.
Albert Anah.
Fuente: BÜLTEN de los Turkanos de Israel – turkisrael.org.il
