KONKURSO DE KOMPOZISION para Avlantes i Elevos de Ladino – Presentasion asta el 8 de ENERO 2024

KONKURSO DE KOMPOZISION

DATA DE PREZENTASION: Asta el 10 de DESEMBRE 2023
Embiar los eskritos a Aaron shapiro aar.shapiro@gmail.com

Buto del konkurso
Adelantar el uzo del Ladino i su relevansia en el mundo aktual

Ken puede partisipar?
Todos los ke eskriven en Ladino pueden partisipar en el konkurso.
Kada partisipante es permetido de prezentar mas de una ovra, ma resive premio solo por una.

Temas
Se akseptaran konsejas o kuentos de kualker tema, inventado o real.
Las ovras pueden tratar de kualker sujeto, todo tiempo ke son eskritas en Ladino. (El ke tiene menester de ayudo para eskrivir su ovra puede eskrivir a Aaron Shapiro, ke le topara un ayudante.).

Kondisiones
Las ovras deven ser eskritas en formato Word i mandadas komo anekso en un meil (email) kon el titolo «konkurso de kompozision”.
No ay numero minimo o maksimo de palavras, ma sujeramos ke el teksto no sea de muncho mas de 800 palavras.
Para el djuzgamiento las ovras se prezentaran anonimas. Por esto, rogamos de no eskrivir el nombre del autor en las ojas del kuento, sino solo adientro del email.

Djuzgamiento
Los djuzgadores seran los moderadores de Ladinokomunita. Los djuzgadores pueden prezentar ovras, ama no se van a permitir evaluar la suya.

Premios
Los kuentos premiados se publikaran en el jurnal El Amaneser, en la revista trimestrala impresa de La Ermanad Sefaradi i en eSefarad.com indikandosen en letras grandes ke son los “Ganadores del Konkurso”.