eSefarad Noticias del Mundo Sefaradi
KONKURSO DE KOMPOZISION DE LADINO 2024
DATA DE PREZENTASION: Asta el 31 desembre de 2024
Buto del konkurso
Adelantar la lingua ladina i mantener su relevansia en el mundo aktual
Ken puede partisipar?
Todos pueden partisipar! La sola ovligasion es de eskrivir en ladino. Van aver dos grupos de partisipasión:
- Prinsipiantes: Los ke se están ambezando la lingua i ke aínda no avlan kon fluidéz
- Avansados: Avlantes nativos o personas ke ya tienen un nivel avansado de la lingua.
Temas
Las ovras pueden tratar de kualker sujeto, siempre ke sean en ladino. Por agora no tenemos kategorías separadas komo poezias, análisis sientífikas, kuentos para kriaturas, o kuentos.
Los kuentos pueden ser imajinarios o reales.
Kondisiones
- Los kuentos se deven entregar mezo un formulario online ande se puede kopiar i apegar el teksto
- El número máksimo de palavras es 1,000
- Para el djuzgamiento las ovras se prezentarán anonimas. Por esto, rogamos de no eskrivir el nombre del autor en el teksto apegado
La data d’alkavo para entregar las ovras es el 31 desembre de 2024
Procheso de entregar
- Va a muestro formulario online: https://forms.office.com/r/6XiiwHbx4p
- Apega (paste) tu teksto ayi
- Klika“submit”. Te deve salir el mesaje “Munchas grasias por partisipar en el konkurso de kompozision”
(Si no ves este mesaje, o tienes algun problema en entregar tu teksto, por favoreskrivemos a aar.shapiro@gmail.com i vamos a tratar de responderte lo mas presto posivle.)
Djuzgamiento
Los djuzgadores serán los moderadores de Ladinokomunita. Eyos van a djuzgar en baza del nivel (prinsipiantes o avansados) de los eskritores i van a evaluar en baza de tres kategorias, ke son:
La istorya: La kalidad de la narrativa –si es entendivle, orijinal, kreativo o analítiko, ets.
La gramátika: Si se eskrive bien i konforme kon las normas gramatikalas de Aki Yerushalayim
El léksiko: Si el teksto tiene un leksiko riko i variado, de modo ke ayuda a adelantar el konosimiento de la lingua i su rikeza etimolójika
Premios
Los kuentos premiados se publikarán en varias revistas i jurnales indikandosen en letras grandes ke son los “Ganadores del Konkurso”.
Estimamos anunsiar los ganadores en verso la fin del mez de enero 2025 o al empesijo del fevrero, dependiendo del número de ovras ke ay.
Anunsio Konkurso de Kompozision 2024_06_06 12_00
