eSefarad Noticias del Mundo Sefaradi
Keridos amigos i amigas.
En la Revista «INYAN/HAMODIA» de Mayo avia un artikolo titulado «Captive in Jordan» presentado por «Ha Rav Tuvia Freud» ke avla de un insidente ke mos akodra de lo ke se pasa oy kon Hamas.
En la Gerra de Independensia en 1947, 300 residentes de la sivdad vieja de Yerushalayim i otros 400 kaptivos fueron tomados por Jordania asta la fin de la gerra. Despues de 9 mezes, indo kontra la Konvension Internasional guadraron a los viejos i los chikos. Entre eyos estavan 2 Hasidim «Meir Lieb Shapiro i Karlin Stolin» ke eran chikos en el tiempo. Despues de tornar atras a sus famiyas kontaron sus experiensias horifiantes i komo reusheron a mantener la fey i esperansa asta la salvasion.
En 29 Novembre 1947, UN paso la Resolusion deklarando la fin del Mandato Britaniko en Palestina i la Kreasion de 2 Estados, uno Judio i el otro Arabo. Las Fuersas Inglesas tenian ke salir de ayi no mas tadre ke Augusto 1948. Entre tiempo un Curfew fue imposado sovre los Judios de la sivdad vieja. kortandolos de los residentes de afuera los muros. Djusto kuando los Britanikos se preparavan a partir, los jovenes Judios se preparavan por la gerra. Kada uno de mas de 18 anyos era yamado a ser entrenado en armas i taktikas militares kon sakos de tierra en frente.
Los Britanikos se fueron en djueves i el proximo dia vino el atake Jordanio. Bombas i balas bolavan en kada direksion siendo imposible de salir afuera de la kaza. Avian gritos disiendo «Fuir fuir de Aki, los Arabos Estan en kamino». Tomaron lo ke se puedia tomar korriendo a «Batey Machseh» ande se metian 9 personas en una kamareta chika.
Unos 10 anyos antes de oy kuando ISIS vino a la eshena kon sus atrosidades i vimos ke eyos no eran diferentes de los Arabos del tiempo atakando a los djudios. Faltando de kultura, paresian mas a las bestias. En los primeros dias eran mas gangsteres i no era difisil de arondjarlos afuera. Pero cuando vinieron los Lejioneros Jordanos eran mejor entrenados i organizados. Los Judios kayian muertos i eran feridos. La sola koza ke se puedia azer era enterrarlos segun la ley judia.
Despues de la Gerra de 6 Dias los muertos fueron reenterrados en sus propios sementerios. Viendo el numero demasiado alto de los enemigos en 1948, se avian desidado ke era imposible de ganar la gerra. Ademas ya no tenian bastante armas i soldados para kombatir. Ansi se entregaron al enemigo kon la Bandiera Blanka. Despues de siertas negosiasiones los djudios fueron kitados afuera de la sivdad deshando a los viejos i las kriaturas ke se vaigan al oksidente. Los mas fuertes serian echo prisonieros. No avian mas de 50 ombres ayi ke se harvaron por 10 dias. kontra un batalyon entero. En el ospital Armenio tenian 100 feridos. Los 341 prisonieros fueron yevados a la polisia de la Sivdad Vieja lpara meterlos en un kampo de Prizonieros. en el dezierto. ande avia muncha krueldad, komo lo vemos oy kon Hamas. Al pasar de los kazales se oyian los gritos «Matar los Judios» kon unas viejas diziendo «kortar sus Gargantas.» Yegando a Amman se toparon kon djente echando piedras. El kampo estava en «Umm-el Jimal» en el desierto al norte de Jordania i avian ayi sienes de Judios kaptivos ke en total venia a 750. Avia muncha kalor kon el viento bolando el polvo i infektando los pulmones. En la noche azia frio.
Los ultimos kaptivos yegaron a «Mendelbaum Gate» en 1949, ke era la puerta separando Israel de Jordania asta la Gerra de 6 Dias en 1967.
SALUDES A TODOS
Tradusido por Shimon Geron de Sydney
