Kante muevo: A ti mi lingua florida

A TI MI LINGUA FLORIDA
Letra, Vicky Nizri – Musica, Daniel Mayer

A ti mi lingua florida
lush de escura diaspora
vo a eskrivirte una kantica
kon palavrikas del alma

Eskapimos de Toledo
(Granada, Sevilla, Cordoba)
ha mas de kinientos anyos
kon una lyave en la mano
y en el korason muestra lingua araisada

Pintar pintare
kon palavrikas de amor
este kante kerenzioso
anzina mos viva el Dio

Esparzidos, destierrados
arribimos a Marruecos
Amsterdam, Cairo, Damasco,
(Salonik, Istambul, Portugal Yerushalaim)
I a la distanzia, asta Amerika lyegamos

Sefarad, Sefarad, mos echaste a rodar
wai de mozotros, puevlo adoleziado
solo tu lingua era alibio
lus de eskura diaspora

Lingua, mi lingua preziada
en tiempos pretos de iel
alechaste, lingua madre,
kántaros de rika myel

Kon evras del alma mia
Ilare istorias leshanas
ke los mis ñetos memoren
esta mi lingua, esta mi lingua anziana

Sefarad, Sefarad…

————————————————————————————————————————————————–
Vicky Nizri (México D.F. 1954). Ha publicado cuento infantil, “Un asalto mayúsculo” (1er lugar Premio Ezra Jack Keats, Nueva York, 1988); cuento corto en la revista El Cuento; novela, “Vida Propia”, editorial M.A. Porrúa (finalista en el V Premio Nacional de Novela, 2000); poesía, “Lilith, la otra carta de Dios”, editorial, M.A. Porrúa, 2002; cuento “Quién es otro” (1er lugar de cuento Premio Nacional de Literatura y Artes Plásticas de El Búho, 2002). Por publicar, colección de cuento corto, “Improbables, otros cuentos y uno terrible”, ha participado en el San Diego Poetrry Annual, 2010-2011; 2011-2012. Daniel Mayer es profesor de posgrado en la Maestría de Liderazgo en National University y por largo tiempo ha colaborado con el Instituto de Liderazgo de la Universidad de San Diego (California). Ha impartido cursos de liderazgo mediante la improvisación musical. Su formación es en primatología y filosofía; por muchos años se desempeño como consultor organizacional. Es candidato al doctorado en filosofía por la Universidad Iberoamericana (México D.F.) con estudios en el desenvolvimiento evolutivo de la actividad cognoscitiva.