eSefarad Noticias del Mundo Sefaradi
Una ermoza kopla de Hanukáh en ladino kantada por Bienvenida «Berta» Aguado en el disko «Chants judéo-espagnols» de la Méditerranée Orientale.
La kantadera Bienvenida «Berta» Aguado (1929-2016) en la Turkia. Desde 1979 vivio en Israel. Eya dava klasas de kanto estilo Turco-Sefaradí.
«Bienvenida Aguado-Mushabak es siguramente una de las informantes sefaradis ke mas kontribuyeron a las koleksiones de kantes populares en ladino, sea del Proyekto Folklor Djudeo-espanyol de Kol Israel ansi komo de la Fonoteka Isaeli, para las kualas enrejistro diezenas, si no sienes, de romansas, kantes de amor, kantes de boda etc.»
«Una idea de sus valor para el mantenimiento de muestro folklor es dada por el grande numero de kantadores ke introdusieron estos kantes en sus repertorios, tratando de kedar fideles en la mas grande mizura posible a sus estilo orijinal. Ma la ermozura de estos kantes puede ser apresiada no solamente por los kantadores profesionales i investigadores del kansionero sefaradi, sino ke por el ancho publiko tambien, komo los miembros de los klubes i sentros komunitarios en Tel Aviv i sus entornos ke desde largos anyos oyen kon grande plazer a Bienvenida Aguado-Mushabak kantar estos kantes kon su boz melodioza.»
(Tomado de http://www.aki-yerushalayim.co.il/)
Bienvenida Aguado mos desho esta semana. Su alma ke repoze en Ganeden.
