HITLER METIO A LOS LAVORADORES DE MUNICH EN EL PARTIDO NAZI trezladado por Simon Geron

El Daily Telegraph de la fin de la semana, mos konta ke Alemanya estava en kaos despues de la Primera Gerra. Avian revoltas en las kayes kuando se kreo una republika mueva i kijeron darle autoridad kon la kayida del monarko. En Versailles los lideres de los paizes ke gerrearon kon Alemanya, kerian kastigarlos por el rolo ke Almanya djugo kontra kada pais sin konsultar al puevlo Aleman. Un grupo de nasionalistos se asemblaron en un otel en Munich, un sieklo antes oy en 5 Enero 1919. Para eyos era inadmisible ke despues de aver sufrido tanto del mal ke venia de la gerra, de ser tanto kastigados kon reparasiones. Los Komunistos se alevantavan tambien ensima de esto. La klasa Ovrera se preparava a aharvar de muevo.

En la kavesa estava Anton Drexler» ke lavorava en los kaminos de tren en varias kapaaidades. A su lado se topava «Karl Harrer» un journalisto i miembro de un partido mistik de la derecha. A la fin estava «Dietrich Eckart». Todos los 3 estavan atirados por el Anti-Semitismo, Nasionalismo i kon el odio del Komunismo i Kapitalismo. Formaron el Partido «Deutcshe Arbeiter Partei» empesando kon 40 miembros. Este numero se suvió basho el karismátiko orator nasido en Austria «Adolf Hitler». Dextler era el primero de los fundadores nasido en Munich en 1884 kuando Alemanya venia de ser unida en 1871. Tenia fuersa industrial i una armada fuerte bashob»Wilhelm II». Asi se engrandesió en un tiempo de grandura.. Su padre era Sosial Demokrat de la siedra. No le plazia ser tirado a la politika. Kuando vino la gerra no lo tomaron i en 1917 entro en el Partido de la ekstrema derecha. «Vaderland Partei». Al perder la gerra en 1918 se dio kuento de la fuersa de los lavoradores ke kontinuavan a gerrear. Formo su Partido «Der Freie Arbeitter Ausschus Fur Einen Guten Frieden» Ke era meter fin a la gerra sin ke el pais sea destruido.

Alemanya estava serka de una revolusión en tiempo de Armistise. Su komite no tenia dingún efekto. No se puedia azer nada kontra los protestos armados de los Komunistos. Fue kontaktado por «Politicsher Arbaeiter Zirkel» sujerando de krear un Partido Muevo. El editor apartenia a la Sosiedad «Thule» ke era Anti-Semite i Anti-Komunisto kreendo en la puridad rasial del orden Teutonic. La svastika era el símbolo. asi se trusho una influensia de la derecha sovre la siedra. En Julio 1919 Hitler se torno a Munich rekuperando por un tiempo de las herraduras de la gerra. Al no poder ganar el pan de sus pinturas se kedo en la armada kon la mision de espionaje penetrando los partidos. Despues eskrivio el livro «Mein Kampf/mi lucha». Oyia kon pasensia al speiker «Feder» i un otro defendía su opinion. Hitler fue uno ke defendió a Feder. Drexler impresionado por el orator Hitler.. lo desho entrar en el partido. En poko tiempo izo sus diskorsos i en Febrero 1920 entro en la kavesa. Yamo al partido «Social Demokrátiko Aleman «Partido de Lavoradores.» Se konosió despues komo el «Partido Nazi». Harrer desho el partido en protesto porke saltaron sovre la kavesa de Dextler i metiendo ayi a Hitler.. Eckart se murio en 1923, Fedrer se kedo en el rolo de teoristo Nazisto asta su muerte en 1941.