eSefarad Noticias del Mundo Sefaradi
El otro dia «Troy Lennon» hablo de la ekspresion «Once In The Blue Moon». Esto signifika ke es una koza muy rara ke kaji no se pasa. En verdad la rason porke se avló de una luna blu es porke estavan enterrando a Neil Armstrong en un dia ke avia una luna kompleta. Esta luna estaba saludando a su hijo.
«Troy Lennon tenia munchas kozas a kontar soble «La Luna Blu».
Shimon Geron
HISTORIAS DE UNA LUNA BLU
La otra noche la luna aparesia muy diferente. Se pensava ke iva ser una luna blu o una sigunda luna kompletamente redonda en el kalendario. En el mizmo tiempo estava tomando lugar los funerales de «Neil Armstrong», el primer ombre ke kamino sobre la luna. Komo muestro kalendario ebreo se asienta sovre el sieklo de la luna i del sol, esto mostra ke ay 2 lunas kompletas en el mismo mez en el kalendario. Se pasa 7 vezes en 19 anyos. La ultima vez fue en 2010 i la proksima vez va ser en 2015.
La luna blu referia un tiempo a un fenomeno muy raro, kuando los partikules del polvo o el umo en el aire davan una kolor blu a la luna. Puedia ser visto en el tiempo ke nasio la humanidad. La mas vieja referensia se va al anio 1528 a una ovra literaria yamada «Rede Me And Be Not Wrothe» un satiro de un papaz ke disho «Si disen ke la luna es blu, ay ke kreerlo ke es djusto» Hay interpretasiones diferentesi puede ser un komentario sobre las iglesias demandando a la djente de no kreyer en esto ke es una mirada astronomika.
Despues de una erupsion en «Krakatoa» en Indonesia en 1883, avia muncho umo ke se kedo en el aire por muncho tiempo. Komo resultado salieron munchos raportes en verso del mundo de lunas de kolor blu. Antes era muy raro de ver esto. De ayi vino la ekspresion en Ingles «Once in the blue moon» ke kere dizir ke no es una koza ke se pasa tanto.
En los Almanakes de los fermeros del Siglo 19, las 3 lunas plenas las avian metido en rango de Temprano, Mediano i Tarde. Si en una okasion rara salia la luna blu la yamaban «Luna Blu». En el Journal de Astronomia «SKY&TELESCOPE, de 1946 uno refera a la segunda luna komo» Luna Blu». Se hizo kosa muy komun. La razon porke la luna aparese tan grande en el folklore i la superstision, es porke ya es muy grande en el sielo de la noche.
En los tiempos pre-istorikos las djentes puedian toparsen sin luz si no avia la luna. Eyos vieron komo la luna se trokava de dia en dia, miles de anyos antes. Se topo un plato de gueso del anio 30.000 en «Abri Blanchard» en el sur de la Fransia. Estaba kavakado kon las epokas de la luna. En mirando a esto puedian saver el tiempo por mas de un dia. De esto salio la ekspresion «Many moons ago/Munchas lunas antes». En siertas kulturas la luna se atava kon La Diosesa komo «Roman Luna» i la veian mas blanda del Sol Maskulino. El siklo 29.5 dias se aserkava del siklo menstrual de la mujer. En otras kulturas veian a la luna komo el Dio de los hombres. Komo «TOTH»de Egypto. Munchas kulturas asosiaban la luna kon los Reinados de los Muertos i la Savidura del Okulto i Magia. Se pensaba ke la luna tenia siertos poderes afektando el komportamiento de la djente. A eyos los yaman «Lunatic» ke tiene ke aser kon la hechizeria.
Eksisten superstisiones en kestion de performansia i aksiones durante una luna plena. Esto asegura a uno buen mazal si la luna es plena. Si uno korta sus kaveyos en este tiempo, los kaveyos kresen presto. Si los korta kuando la luna esta desparesiendo, entonses los kaveyos kresen lento. En la Antiguedad se daba un nombre a kada luna plena. En la parte Norte de la Tierra se yamaba «Wolf/lovo» i tokava en Enero,en el tiempo ke salian los lovos. Los nativos de Amerika davan a la primavera, kayendo en April el nombre de «La Luna Roza» komo era el tiempo ke kresian las rozas.
Tradusido por Shimon Geron
Fuente: Ladinokomunita
