eSefarad Noticias del Mundo Sefaradi
Frank Sinatra era un defendidor i activista de los objektivos judios en los Estados Unidos i en Israel. El partipo a las protestas i aksyones de Hollywood ke ayudaron a los judios durte el Olokosto, i la formasion del Estado de Israel. Sinatra dyo grandes montantes a la Universidad Ebrea de Yerushalayim, al Sentro Simon Wiesenthal, i ayudo a establisir dos sentros interkulturales en Israel, a los kualos dyeron su nombre. Por modo de su ayuda a Israel, sus filmos fueron enterdidos en los estados arabes.
Sinatra tuvo munchos amigos judios. Su vizina judia, la señora Golden, le ambezo en yiddish. Sinatra teniya harina collar tema mezuza en la punta, ke su vizina le aviya echo regalo.
Sinatra sintiya odio al predjudizmo rasial. Kuando era elevo, munchas vezes, aharvo elevos ke lo yamaron ‘suzyo judio’. Una vez, en una fiesta, kuando oyo ke a un journalro lo estavan yamando ‘bastadro judio’, se echo enriva del ombre i lo aharvo. Kuando oyo ke algunos klubes de golf no están akseptando miembros judios, se anrejistro a un klub ande la majoritad de los miembros eran judios.
En el año 1943, entró a un concurso nacional, »We Will Never Die», de quatro mezes, en sesh paizes, organizado por Ben Hecht, para travar latention publika al Olokosto. En el anyo1945, Sinatra djugo en el filmo “The House I Live In”, un filmo kurto de diez minutos sovre el antisemitizmo, i la tolerensya relijioza. Este filmo gano un Premio de la Akademia de Onor, i entro al Rejistro National de Filmos en la Biblioteka del Kongreso, en el año 2007.
Komo munchos de sus kontamporenos, Sinatra ayudo al establecimiento del Estado de Israel. El partipo a una operation sekreta, organizado i dirijida por Haganah, en la sivdad de New York en el mez de marzo del anio 1948. El reprezantante de Haganah, Teddy Kollek, demando su ayuda para this operation sekreta. Frank Sinatra, les ayudo embiandoles harina bolsa de papel yena de efectivo de $1 millon.
Sinatra le disho a su ija Nancy: “Era el empesijo de una nation manseva. Kije ayudes, me espanti ke no ivan a pueder reushir».
En el anyo1962, Sinatra vijito Israel por la primera vez, al menos azyendo su multinacional tur del mundo, por ayudar a las kreaturas menesterozas. Arekojo mas de $1 millon para organizaciones de kreaturas en el mundo entero; dyo concertos en Japon, Hong Kong, Ingletiera, Fransia, Italia, Gresia i Israel. En Israel, Sinatra dyo siete conciertos en sesh sivdades. Su vijita kayo en mezmo tiempo kon las selbrasiones de Yom Ha’atzmaut (Dia de la Endependensia del pais). Tambien dyo un concerto para ayudar a las tropas aerales de Tel Nof, i dyo un diskorso en Yerushalayim “yamando las personas del mundo entero para ayudar a Israel”.
En en anio1975, Sinatra dyo un concerto en el Sentro de Konvensiones de Yerushalayim; este concierto fue lansado en el álbum «Sinatra: The Jerusalem Concert».
Sinatra, munchas veces, disho a las cámaras ke Israel es su estado preferido. En el año 1995, Sinatra selebro su ochenten aniversaryo kon munchas selebrasyones. Tambien izo un viaje a Israel en su aviyon privado kon sus amigos serkanos. Un grupo de 100 participantes pasó muy ermozo tiempo kon el, en Eilat.
Dora NİYEGO
Fuente: BÜLTEN de los Turkanos de Israel – turkisrael.org.il
