FILMOS DE ENVERANO DE KARAKTER JUDIO trezladado por Simon Geron

Keridos amigos i amigas,
En el Jewish News de esta semana avia la lista de los filmos a ser mostrados en los dias de Noel. Lo ke es interesante aki es de ver ke estos filmos o fueron eskritos por Judios, o tuvieron aktores Judios i a vezes temas Judias
Saludes a todos.

——————————————————————————-

FILMOS DE ENVERANO DE KARAKTER JUDIO

JOJO RABBIT
Es una komedia satirika preta tratando de los últimos dias de los Nazistos en Alemania. Un ijo de 10 anyos, «Johannes», bive kon su madre Rosie ke eskonde en su kaza a una muchacha Judia. Jojo ke tiene un amigo imajinario ke es Hitler representa el «Hitler Youth» i se topa ovligado de konfrontar sus perjuisios i protejar a la ija judia ke se yama c»Else».

MARIANNE I LEONARD COHEN
Es un dokumentario tratando del amor entre el kantor «Leonard Cohen», un judio de Montreal i Marianne una mujer de Noruega kazada ke tiene un kazamiento avierto, echandose kon otros ombres. Se enkontrán en la Isla Grega de Hydra i mantienen una relasion asta la muerte. No son tanto kometidos i se ven de vez en kuando. Yegando a la fin de sus vidas Leonard le kanta la kansión «So long Marianne, bird on the wire». En los anyos 1960 munchos eskrivanos i artistos se instalavan en Hydra dándose al hedonismo.

JUMANJI
Es una istoria de kriaturas ke kontiene un umor Judio, grasias al Direktor «Jake Kasdan» i el eskrivano «Jeff Pinkner» i «Scott Rosenberg». Este filmo al prinsipio fue echo en 1981. Agora los karakteres se enkontran de muevo por la proxima etapa.

CITIZEN K
En este filmo se examina la influensia fuerte del Presidente Ruso «Vladimir Putin». Komo un prisoniero Judio bien konosido, embiado a Siberia, «Mikhail Dorkovsky’ un Oligarcho se mete kontra el reinado de Putin.

A HIDDEN LIFE
Un Austriako en la Segunda Gerra refuza de harvarse al lado de los Nazistos. Siendo juzgado de trahision paga el presio kon la pena de muerte.

JUST MERCY
Es la istoria verdadera de «Walter Mc Millian» akuzado en yerro por un krimen. Lo guadran por 6 anyos en una selula para los kondenados a la muerte. Se salva a la fin kon el ayudo de un «Attorney of Defence».

UNCUT JAMS
Se trata de un joyero Judio en New York ke djuga i toma rizikos i su vida se topa afuera del kontrol.

Trezladado por Shimon Geron.
Sydney, Australia

Fuente: Ladinokomunita