eSefarad Noticias del Mundo Sefaradi
SIONISTO
Los rekordos istorikos del siglo pasado del Yishuv en Palestina, mos akodran las sufriensas de mas de 10.000 djudyos sefaradis komo ashkenazis biviendo entre Yaffo i el apenas fondado Tel- Aviv, los kualos fueron forsados de deshar sus moradas, sus tyerras, sus lavoros por las otoridades Ottomanas en el anyo 1917 sovre la dechizyon del komandante de la armada turka Ahmet Djemal Pasha. Djemal Pasha governador de todos los territoryos arabos i de la Palestina suspichyo ke los djudyos ke refuzaron de servir en la armada ottomana i biviendo en la kosta de la Mediteranea poedian ayudar a los Inglezes a okupar el territoryo.
Es ansi ke miles de djente proves, sin dingun ayudo fueron aronjados de sus lugares verso el norte de la Palestina i mizmo asta Damaskus en Siriya. Munchos de eyos ke refuzaron ser soldados de los turkos se fuyeron antes de este egzilo (surgun en turko) verso 1915 a Ayifto, akel tiempo debasho de la okupasyon ingleza. Justo para akodrar ke la sinyora Aura espoza del viejo prezidente Haim Herzog, madre del aktual prezidente Isak Herzog nasyo en Aleksandriya de paryentes ke fuyeron Tel-Aviv i ke miraron a ayudar a ke los Inglezes okupen la Palestina.
En akeya epoka avia un gran temor entre los djudyos del Yishuv, después de que el cruel Djemal Pasha, quien fue uno de los dequizadores del genocidio armenio, no vino el mismo koza sovre a los djudyos, los consideraba como enemigos. Uno de los motivos de esta hostilidad fue el grupo Nili, una organización judía que espiaba al ejército turco según los británicos. Eran un grupo de judíos convencidos de que si Inglaterra ganaba la Primera Guerra Mundial y ocupaba Palestina, el gobierno británico ayudaría a crear el estado judío.
Los arabos de Siriya i del Irak, al komandante de la kuatrena armada ottomana Djemal Pasha lo yamavan el ‘kasap’ (karnesero) porke el avia enforkado 33 lideres arabos los kualos se avian sozlevantado kontra la egemoniya turka. En 1917 el jeneral Allenby después de venser la armada de Djemal Pasha, el kual fue forsado de livrar Yerushalayim, supito fue deskargado por el sultán turko de su komandamiento. Ansi los djudyos se eskabuyeron de 4 anyos de espanto i de mala vida i kon la vinida de los inglezes en 1918 el egzilo se termino lo ke permetyo a todos de retornar a sus lugares.
Djemal Pasha nasyo en 1872 en la sivdad Mitilini en la Isla Lesbos (Midilli en turko) i a la edad de 50 anyos fue matado en Tbilissi, Georgia. Egzaktamente no se supo kuala organizasyon sekreta de kual payis lo mato. Se suspecha, la Ingletyerra achakes del rolo ke djugo en Afganistan, la Rusiya Bolshevika kon la kuala tuvo intrompesos o los armenos ke se vengaron de las matansinas de 1917. El fue miembro de la organizasyon de los “Mansevos Turkos” (jeunes turcs), i de la troika militara ke forso el Imperyo Ottomano a partisipar a la Primera Gerra Mondiala. Dirijente duro i severo en poko tiempo fue renomado por su kruelta, el kual se fuyo en 1918 de su payis i bivyo en diferentes sivdades evropeyas i en la Rusiya bolshevika. Inimigo del rejim britaniko el fue el ke organizo en Afganistan la rezistensya kontra los inglezes.
Al ver que muchos de los exiliados morían por epidemias o hambre, para vengar la opresión turca, un grupo de judíos Yishuv fundó la organización Nili, con la ayuda de los británicos en 1915. Nili son las iniciales de “ Netzakh Israel Lo Yeshaker” (La eternidad de Israel no miente), onde se gruparon djente de la organizasyon Guidonim. Eya fue dirijada por Aharon Aharonson, su ermana Sarah Aharonson, su ermaniko Aleksander Aharonson, Avshalom Feinberg, Yossef Lishansky i Naaman Belkind. Eyos kon sus grupos de volontaryos lavoraron dia i noche a espyonar los ottomanos i a transmitir a los inglezes las informasyones de los muvementos de la armada turka. Malorozamente, por azardo, uno de los pijones viyajadores yevando informasyones a Aleksandriya ke se peryo en su kamino, fue topado por la polisiya i es ansi ke los miembros fueron deskurviertos uno detrás del otro. Todos fueron matados ma la lucha kontinuo fin ke los britanikos konkestaron la Palestina. Mizmo djente sin pekados de la organizsyon Hashomer Hatsair, ke en prensipyo eran kontra el Nili, fueron arestados i maltretados en las prizyones de Damaskus.
Dezde munchos anyos se puede vijitar el museo de Nili, ke se topa en Zihron Yaakov en Israel para ver i konoser la istorya de un punyado de volontaryos ke se kreyeron kon buena veluntad, ke en ayudando los inglezes la kreasyon de Israel será una verda.
100 anyos después de esta lucha trajika, les oguro ke todos eyos repozen en pas i ke en diya de oy mos alegraremos de ver sus eshuenyo realizado, la egzistensya de Israel kon milyones de djudyos, prospero i fuerte.
Fuente: BÜLTEN de los turkanos de Israel – turkisrael.org.il
