eSefarad Noticias del Mundo Sefaradi
La Segunda Reunyon Mundial *Erensya* sera organizada en Estambol i Izmir 3-7 Junio 2013
Erensya:* *La platforma Erensya es una inisiativa emanada de Sentro Sefarad-Israel, entidad publika espanyola ke su objetivo es la divulgasion de la kultura judia en sosiedad espanyola. La platforma Erensya es una de las lineas maestras de la aktividad del Sentro Sefarad-Israel, i su fin es fomentar/adelantar los vínkulos/kontaktos entre Espanya i las komunidades sefardis en la Diaspora i de estas entre si.
Despues de la grande reushidad de la Primera Reunyon Global Erensya en Sofia i Plovdiv de Bulgaria en 2011, se desidio de azer la sigunda en Estambol i Izmir. Reprezentantes de las komunidades sefardis del mundo entero vendran para konosersen, mantener kontaktos i ver si ara la posibilidad de kooperar en proyektos importantes para prezervar muestra erensya kultural.
Los organizadores de esta aktividad son el Sentro Sefarad-Israel de Espanya, el Sentro Sefardi de Estambol, la Komunidad Judia de Turkiya, la Asosyasyon Kultural Sefardi de Izmir i la Komunidad Judia de Izmir. Aparte de konferensias, debates i diskusiones sovre temas sefardis, se organizo paseos en estas dos sivdades kon istorias impresionantes i muy antiguas i tambien programas de muzika i teatro. En uno de estos programas se va selebrar tambien el numero 100 de muestro periodiko El Amaneser.
Si keresh partisipar en este ermozo program eskrivid a muestro kerido amigo Fernando Vara de Rey del Sentro Sefarad-Israel: fernando.mvaraderey@sefarad-
Karen Gerson Sarhon
