eSefarad Noticias del Mundo Sefaradi
El numero 78 de Erensia Sefardi, la unika revista istorika de los muestros, saliyo kon mueves fotografiyas i los artikolos sigun rubrikas siguentes:
- 1669 – Los Sefardis en la isla de Barbados
- 1770 – Los Sefardis en Livorno
- 1815 – Luis da Cunha i el kambio en Portugal
- 1865 – Fuga de Judah P. Benjamin
- 1891 – Salonika en la Prensa
- 1906 – Ospital Sefardi en Stambol
- Folklore – Kantigas de amor
- Revista de livros – «Studi sul Mondo Sefardita, in Memoria di Aron Leoni
- El Editorial sigue:
«Espanya tiene, asi en el Oriente de Evropa komo en una parte konsideravle de Africa, Asia i otros lugares, un elemento importantisimo kon ke aumentar la esfera de su influensya;
un papel importane ke desempenyar para poner a salvo el trezoro
de estos elementos, prokurando kultivarlos por el estimulo de la edukasyon i la konservasyon del lenguage; i, por ultimo, un nukleo
poderozo de relasyones ke poner en movimiento para la restaurasyon
de su antigua misyon sivilizadora i komersyal en este mar Mediterranea…i ke…emos tenido kaji ke abandonar…Ke vamos a azer en Oriente? Kuantos viajeros ilustrados espanyoles vijitan
al anyo a Konstantinopla, a Bukarest, a Salonika i a Sofia? Ke barkos espanyoles yegan en flotas komersiales asta la aguas del Bosforo?
Es una esfera de influensya, de superior alkanse, ke se pierda
i se perdera. Aze tiempo ke la planeta, para los espanyoles, esta redusida al breve espasyo ke se ekstiende desde las faldas oksidentales del Pirineo asta la mar de Kadiz…»
Ansina avlava de los Sefardis del Impero Otomano i la ignoransya
de Espanya sovre eyos, el eskrivano espanyol Juan Perez de Guzman,
en el jornal «La Espanya Moderna» del 1 de julyo 1904.
Dr. Albert de Vidas
Editor
Erensia Sefardi
erensia@aol.com
Fuente: Ladinokomunita
