eSefarad Noticias del Mundo Sefaradi
Ver todos los artículos de esta sección >>
_________________________________________________________
Los kantes sefaradis de Jaramar
A la fin de muestra vijita en la sinagoga istorika Justo Sierra (Sinagoga Histórica Justo Sierra) de Mexico City, Monica, la direktora del lugar, mos dio a saver ke un CD de kantes sefaradis se avia enrejistrado ayi pokos mezes antes, de la kantadera konosida Jaramar. Siendo ke este CD estava en vendida ayi mezmo, munchos de mozotros la merkimos. Se yama «El Hilo Invisible» (de «Jaramar y el cuarteto latinoamericano.» ) Yo es agora ke la avri i la esto sintiendo. Entre mientres bushki en Internet por saver mas por Jaramar, i topi siertos enlases ke kreygo vos va enteresar a todos:
Jaramar y el Cuarteto Latinoamericano presentaron “El hilo invisible”
Videos en youtube; vesh i sintish a eya i el cuartet en la sinagoga:
i, lo mas enteresante: el dokumental de dicha enrejistrasion:
Vale la pena sintir lo ke dize kada uno, i sovre todo Jaramar eya mezma.
Rachel Amado Bortnick
Dallas, Texas
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
