eSefarad Noticias del Mundo Sefaradi
Ver todos los artículos de esta sección >>
_________________________________________________________
La koneksion sefaradi en el Premio Prinsesa de Asturias 2018
Mi amiga la profesora Juana Castaño (de Murcia, Espanya) me izo saver ke el profesor i filozofo amerikano Michael J. Sandel mensiono su koneksion sefaradi en su deskorso al resivir el premio «Prinsesa de Asturias» en Sensias Sosiales. Lo podesh sintir en:
i tambien meldar el teksto
Komo vesh, el empesa kon su koneksion a lo sefaradi, i konta ke su mujer (Kiku Adatto) es sefaradia i ke eya i sus ijos se adresaron a tomar la nasionalidad espanyola, i tambien mensiono ke el mizmo premio (de Prinsesa de Asturias) se avia akordado a las Komunidades Sefaradis en 1990.
Juana me dize ke para eya fue muy emsionante oyirlo pronunsar esto delantre de los Reyes de Espanya.
Grasias por mandarmos esta informasion, Juana!
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
