eSefarad Noticias del Mundo Sefaradi
Ver todos los artículos de esta sección >>
_______________________________________________________
En pasadas avlimos de los munchos djudios turkos, sovre todo Istanbullis i Ankaralis, ke tomaron alkunyas turkas. A vezes si estas personas azen aliya a Israel, o van a otro trokan la alkunya a lo ke era oriinalmente, ma no todos.
Un konosido me izo saver ke sintyo los servisios de Roshashana en el grande templo reformisto de New York, «the Central Synagogue» i ke el hazan, Daniel Mutlu, es «de famiya de djudios de Turkia.»
Lo bushki en Google, i topi munchos videos suyos en Youtube, kon ermoza boz, ma siguro todo al stilo oksidental, ke es o tradision Ashkenazi o muevas kompozisiones.
Podesh meldar sovre el aki: https://www.centralsynagogue.org/about_us/our_staff/mutlu
En los EEUU ay i otros hazanim i rabinos de kehilot ashkenazis ke son sefaradis de famiya. (Iva komentar sovre esto, ma me esvacheyi porke i yo se kulpable de lo ke iva dizir, porke me kazi kon ashkenazi i vo a kehila ashkenazi.)
En todo kavzo, estava kurioza saver ke nombre teniya la famiya Mutlu de antes. (Mutlu en turko kijo dezir orozo, felis en espanyol.)
Rachel Amado Bortnick
Dallas, TX
Fuente: Ladinikomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
