En vista de Rachel: El filmo «La Dalkavo Ora» por Rachel Amado-Bortnick

Ver todos los artículos de esta sección >>

_______________________________________________________

Un filmo muevo titulado “La Dalkavo Ora” (The Final Hour en inglez) trata de la desparesion del ladino a kavza de la Shoa. La idea fue de Deniz Bensusan, ke es tambien la aktrisa prinsipala del filmo. La muzika es kompozision de Renan Koen (las dos djovenas Istanbulliyas.) Fue filmado en Estambol, Gresia, Auschwitz, Portugal i Espanya. Muestro bien konosido Sebastian de la Obra (del muzeo sefaradi en Cordoba, ke mos avlo al grupo de LK ke estavamos ayi en 2010) esta tambien en el filmo.

Se va prezentar en el konteksto del 18en Fesitval de Filmos Independientes en Istanbul, ke va tener lugar del 13 al 22 de septembre.

Podesh ver el reklama del filmo aki

I los ke meldan en turko pueden meldar la entrevista de Karel Valensi kon Deniz Bensusan, Renan Koen, i el produktor i el direktor del filmo (Selim Kemahlı i Çağlar Malli):

La Dalkavo Ora (The Final Hour)

(Kestion linguistika sovre el titolo: En Izmir no diriamos “La Dalkavo Ora”, dizimos “la ora d’alkavo” o “la kava ora.” Kero saver ke manera lo dizen otros.)

Rachel Amado Bortnick
Dallas, TX

Fuente: Ladinokomunita

______________________________________________________________

En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.