En vista de Rachel: El Festival Sefaradi de Izmir por Rachel Amado-Bortnick

Ver todos los artículos de esta sección >>

En Izmir ay una chika komunidad, si, ma los echos ke estan aziendo estan grandes porke kijyeron ke sus istorya no se olvide. I en esto tienen el apoyo i la kolaborasion de la Fondasion de djudios de Izmir, de la munispalidad, i de entitades de afuera del pais, komo la Fondasion Kiryati de Israel.  I komo ya savemos, el kapo del projekto de sovreguadrar las  sinagogas de la vieja djuderia es muestro amigo Nisim Benjoya. Nisim es tambien el ke organiza el Festival SEfaradi de Izmir para dar a konoser al ancho publiko el patrimonyo djudio de la sivdad.  Oganyo el festival tuvo lugar el 29 Novembre, i muestra amiga Nicole de Paris me mando el artikolo en fransez ke se publiko sovre esto.  De ayi, vos mando los dos kurtos videos ke estan en Youtube:

Remarkad ke las mas viejas sinagogas no son «restoradas» si no ke prezervadas de manera ke mostran sus antikuedad.

I si keresh ver el artikolo en fransez, lo tenesh en:

https://lepetitjournal.com/istanbul/actualites/3eme-edition-reussie-festival-culture-sepharade-izmir-326834

________________________

Rachel Amado Bortnick – Dallas
Ladinokomunita