eSefarad Noticias del Mundo Sefaradi
Ver todos los artículos de esta sección >>
_________________________________________________________
El famozo arshitekto Libeskind para el «Projekto Izmir»
Meldi oy, kon la laegria ke merese el dia de Purim, ke el “Projekto Izmir” se va kompletar kon el dezenyo del gran i famozo arshitekto Daniel Libeskind! Ke maraviya!! (El ke no konose al arshitekto i sus famozos edifisios, ke bushke en Google o Wikipedia.)
El “Izmir Project» es el grande plano de restorar (i a vezes re-konstruir) kehilot viejas (ke kuatro de eyas son una al lado de la otra) i kriyar un muzeo djudio i un sentro kultural. El projekto empeso kon la inisitivade la Fondasion Kiriaty de Israel, i kontinuo kon el apoyo i kolaborasion de la munisipalitad de Izmir i la komunidad djudia de Izmir. Siertas kehilot ya fueron restoradas.
El famozo arkitekto en İzmir para el proyekto, “El Muzeo Djudio de İzmir”
Rachel Amado Bortnick
Dallas, Texas
Ladinokomunita
______________________________________________________________
En esta seksion “En vista de Rachel”, Rachel Amado Bortnick, fundadora de Ladinokomunita, un foro en Internet para korrespondensia solo en djudeo-espanyol, va a partajar kon mozotros sus komentarios sovre distintos butos.
