eSefarad Noticias del Mundo Sefaradi
Ver todos los artículos de esta sección >>
El 17 Tamuz, empesa las Tres Semanas, esta perioda de dolyo por el destruimiento del Bet Amikdash i otras desgrasias en muestra istoria.
Las Tres Semanas, Los Mueve Dias (los ultimos 9 dias de las TS. -Tres Semanas), i Tisha Be’av (el kavo dia de las TS …
Los ke kresimos en Turkia munchos anyos antes (kom’a mi) mos akodramos de la seriozidad kon la kuala se markavan estos dias: No ay bodas o despozoryos, no ay entrar a la mar, no se mete muzika en la radio, i mas i mas kozas defendidas. Oy en dia ken mira esto todo? Solo los muy relijiozos. Ma mozotros, sin ser “muy relijiozos”, akseptavamos todo esto simplemente por ser djudios, porke es parte de muestras tradisiones.
Mos dizian si mos entramos a la mar entre los Mueve Dias, mos iva salir manchas en la kara i en el puerpo. Kreygo ke mijor seria si mos dizian la verdad, i mos kontavan un poko de istoria. Me parese ke oy en dia la djente no aksepta la ovligasion de sigyir la tradision sin saver las razones, komo lo azian (las mujeres sovre todo) en mi tiempo.
Yo no me akodro si avia djente ke azian tanid el 17 Tammuz. . Puede ser hahames i otros lo azian. Por siguro ke en TishaBeAv avia djente ke azian tanid.
En todo kavzo, me parese emportante de akodrarmos de estas tradisiones, i saver las razones.
Otras razones de dolyo ke no tengamos.
Saludos,
________________________
Rachel Amado Bortnick – Dallas
Ladinokomunita
