En este tyempo… Adi 23 por Albert Israel (meldar i sintir)

Anani era miembro del grupo de seguridad en el kibuts. Este grupo era enkargado de todos los espektos de seguridad i emerjensiya. El koordinador del grupo era Avraham Korin. La mano derecha de Avraham i el shef del ekipo de emerjensiya era Shimon Azulay (Kish). Todos los miembros del grupu eran armados. Anani teniya en su dispozisyon un tiro M16 i un revolver, serrados en kaza, aryentro de una kasha.
Kuando los teroristos de Gazza tiravan misiles, los miembros del kibuts teniyan solo 7 segundos de tyempo, desde el sonido del alarm asta la kayida de los misiles, para organizarsen i kalkularsen sus pasos.

La verdad kamina kon pasos chikos ma arriva al tyempo djusto…