eSefarad Noticias del Mundo Sefaradi
Ofresemos un muevo kapitoló destakando los romanses istórikos. Los romanses son parte importante de la kultura i patrimonio muzikal sefardí, kon su base en Sefarad (España) los romanses viasharon injunto a los djudiós espanyoles tresladando su kultura i ermozura en los distintos paízes onde tuvieron ke fuyr dempués de ser refuzados (expulsados)de España, sus tiera. Algunos romanses ke kompartimos en este kapitoló son «Eskojiendo novia», romanse de bodas sefardí a kapela, komo era de uso kantar. Kontinuamos kon el romanse «El parto feliz» tambyén a kapela i mos tresladamos a Andalucía para sintir este romanse istóriko guadrado por los sefardim «Hermanas Reina y Cautiva» en la versión del Grupo Aliá Música, el romanse «Diego León» en la versión de Fortuna (Brasil) i kurunamos el programa sintiendo el romanse de temátika amorosa «Ya salió de la mar la Galana», versión Mónica Monasterio, Horacio Lovecchio. La varietá de romanses de boda, istórikos i de Reyes en tu Emisión en sefardí.
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
