eSefarad Noticias del Mundo Sefaradi
Ofresemos un programa muevo kon kuentesikos: ¿Ken es el riko? El ke se kontenta kon su parte. La tradisión oral sefardí se enflorese en las literaturas i las rikas istorias ke munchas bezes son vidas o echos de los sefardim o istorias de sus muevas komunidades en los paízes dempués de la ekspulsión de Sefarad. Los kuentesikos tambyén kontan kon una lisión o moraleja. En este kapitoló partajamos dos enshemplos, el sigundo kuento es: «Una buena lisión». Komo siempre kompartimos la rikeza de los romanses i kantes sefardim, en este programa eskojimos «Bendigamos al Altísimo» kante litúrjiko i de festividades en la versión de Judy Frankel, «M’estás mirando» en la interpretasión de la kantadera Yasmín Levy, el kante tradisional «Arvolés yoran por luvias» en la versión de Isaac Levy. Kurunamos el programa kon un ermozo kante kontemporáneo «Kon mis manos», interpretado por Mónica Monasterio. La tradisión oral es el trezoro ke ilumina la kultura sefardí..
________________________________________________
DOMINGOS A LAS 22.30 HORAS, MARTES A LAS 18.30 HORAS UTC.
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
