eSefarad Noticias del Mundo Sefaradi
Prezentamos el livro «El final del silencio: Violeta Friedmann» de Esther Bendahán, eskritora i Direktora de Programasión Kultural de Centro Sefarad-Israel.
Notisias Kultura Sefardí oy. Entrevista a Esther Bendahán kon ken konversamos sovre su livro «El final del silencio: Violeta Friedmann», una novela ke es ansimezmo teksto teatral, onde una aktris se apareja para dar vida a Violeta Friedmann, aktivista superbiviente de Auschwitz ke luchó por los derechos umanos i se enfrentó al nazi León Degrelle. Tambyén avlamos sovre la kultura sefardí i la importansia de su difuzión, ansí komo el rolo de la mujer sefardí oy día, la aktividad fruchiguosa del Centro Sefarad-Israel en Madrid i más temas. Violeta Friedmann: fue una valiente mujer djudía supebiviente del Olokasto, Shoá, del kampo de eksterminio de Auschwitz, onde murió asesinada i gaseada toda su famyia. En 1985 Violeta aze frente a las deklarasiones de León Degrelle en la Revista «Tiempo» negando la Shoá, Olokasto, i prinsipia aksiones djudisiales kontra él kon apoyo del Bene Brit. Dempués de una lunga serie de sentensias ke no fueron favoravles a Violeta, en 1991 el Tribunal Constitucional de España konsideró ke Degrelle atentó kontra el onor de Violeta Friedmann i de los 6.000.000 milyiones de djudiós asesinados en los kampos de eksterminio nazis. El artículo 607 del Código Penal: Dempués de muncha lucha i ya muy jazina Violeta reushó i se sentó djurispruedensia dando lugar al artikoló 607 del Código Penal kon fecha del 23 de Noviembre de 1995: Delito contra el derecho de gentes. Kurunamos el programa kon el kante tradisional sefardí «Por la tu puerta» en la versión de la kantadera Esther Ackermann.
________________________________________________
Domingo a las 07.30 horas UTC. Lunes a las 10.04 y 20.00 horas UTC
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
