eSefarad Noticias del Mundo Sefaradi
La Djudería de Madrid, onde se toparon restos materiales de las kazas de los djudiós.
Omaje, Día de los Muertos en este 2 de Noviembre.
Programa espesial: La Djudería de la Comunidad de Madrid, un tema deskonosido ke ve la lus, i akí en Emisión Sefarad te lo kontamos en primisia kon toda la vedradera istoria ke agora la Comunidad de Madrid mete en valor.
En la inaugurasión del Ciclo «Huellas y Patrimonio Cultural de los Judíos para el turismo en la Comunidad de Madrid», organizado por Centro Sefarad-Israel i la Facultad de Área de Humanidades de la Universidad Rey Juan Carlos, mos topimos prezentes, un Siklo basho direksión de Nuria Morere Molinero, Catedrática de Historia Antigua de la Universidad Rey Juan Carlos. Se izo inaugurasión kon prezensia en la mesa ronda de Raquel González Aguilar, Jefa de Promoción de la Consejería de Cultura, Turismo y Deporte de la Comunidad de Madrid, kon una konferensia de Esther Andreu Mediero, Arkeóloga en las Ekskavasiones en lugares komo debasho del Palacio Real, en la kaleja de Bailén i munchos más lugares istórikos del sentro de Madrid, sivdad onde bivieron los djudiós, i komo la arkeóloga mos amostra kedaron vedraderos trezoros de restos arkeolójikos.
Indemás konoseremos en este programa las investigasiones ke amostran komo eran las moradas o kazas de los djudíos, onse se topava la Djudería i los trokamientos en la sivdad de Madrid desde su orijin tardío en la Edad Media.
La Arkeóloga Esther Andreu mos yeva a konoser la istoria real de esta Komunidad Djudía ke desde la Edad Media ya se topava en Madrid. Kurunamos el programa kon un afamado i ermozo kante d’amor tradisional sefardí en la interpretasión de la kantadera Fortuna «Yo m’enamorí».
Un kapitoló ke soltanto konoserás en Emisión Sefarad, reflekto de la vedrá istórika desde 1986, muestro empesijo asta oy día, dunke en España el Djudaísmo i su kultura sefardí amostran un valutozo kamino de bryio kultural, artístiko, istóriko i muzikal.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
