eSefarad Noticias del Mundo Sefaradi
Selevrasión del Anyio Muevo 5786 del kalendario Evreo. En la Toráh en Bemidbar, (Números) el Dió dize ansí ”Y en el séptimo mes, en el primero del mes…un día de toke de shofar será para vosotros”. Informamos sovre la festividad de Rosh Ha Shaná(empesijo o kaveza de la anyada). La anyada mueva kon el Seder de Rosh Ha Shaná, te eksplikamos el signifikado del nomvre Rosh Ha Shaná onde selevramos la kreasión del primo omvre por el Dió. Una de las fiestas más sagradas del kalendario evreo, ke se selevra kon el sono del Shofar. Ansimezmo te kontamos los distintos nomvres de la fiesta Yom Hazikarón, Yom Ha Din, Yom Teruá. ¿Kualos son los alimentos ke tomamos en el Seder? Los alimentos son simbol para tener una anyada buena del empesijo al fin, el Seder se akompanya de bindisiones: Prinsipiamos kon la mansana kon miel para tener una anyada buena i dulze. Las dos nochadas del Seder. Los manaderos de la Torá onde se odrena el kumplimiento de la festividad por parte del Dió. Akompanya el programa kantes festivos komo «Bashaná Habaá», el kante «Buena semana» kon buenos dezeos ke interpreta Esther Ackerman. En «la Kuzina de Emisión Sefarad» aparejamos una rika recheta sefardí para la fiesta «Pishkado gizado kon mues i almendras». Kurunamos el programa festivo kon el ermozo kante tradisional «Al ruido de la fuente» interpretado por el Trío Sefarad. Vos ofresemos la dulsuria de muestra mansana kon miel. Anyada buena i dulze 5786, kon la mesa servida i munchas bindisiones.
________________________________________________
Muevos orarios emisión: Domingos 09’30, Lunes 12’05, Lunes 22 hs. (Onda corta), España
La «Emisión Sefarad» es un programa kultural de radio, en lingua sefardí o djudeo-espanyol, que se siente kada lunes enverso Oriente Medio i Mediterráneo i los martes enverso América Norte i Sur. Sefarad es uno de los nomvres de Espanya, i el sefardí es una lingua de baza medieval a la ke se adjuntan palavras de los dialektos i linguas de las sivdades onde los sefaradim moravan. Rajel Barnatán, apareja i prezenta las emisiones i sus kontenido por entero: entrevistas, presonajes, folklor i múzika de ancha diversidad, aktividades, tradisiones, literaturas i una lingüístika atada a la kultura ke tyene sus raízes en Espanya. Ansí «Emisión Sefarad» guadra el trezoro poétiko de los S X al XII en uno de los grandes patrimonios kulturales entregados a la umanidad. Ansiemzmo la kreasión kontemporánea arrebive en muestros días i atira el intereso de oyentes de diversos lugares i paízes.
