ELEANOR LYONS «KANTADERA DE OPERA» trezladado por Simon Geron

Don Goivanni se avre en Sydney agora i kontinua asta 27 Febrero. En los ultimos 18 mezes eya kon su marido pianisto i konductor «Vladimir Fanshil» i la ija de 3 anyos ‘Floria» se topan biviendo en Vienna i en Berlin i el marido esta estudiando en «Vienna State Opera». Un kurso echo para los mansevos Australianos. Les gusta muncho la sivdad i Lyons esta muy eksitada de azer su debut de «Don Giovanni» en la Opera de Sydney. Don Giovanni es una produksion oskura psikolojika i Lyons pensa ke tiene algo de Judio i aze la relasion kon Teshuva en este opera de Mozart. El desonorable i pekador de Don Giovanni venia de violar a Donna Anna i no se arrepiente. En realidad Teshuva trata de tornar a azer buendad i Don Giovanni no lo izo i por esta razon la tierra se avre i lo toma arientro.

Es la fe de Lyons ke la gia en su performansia del opera. Kanta munchos Western Klasikos kon temas de la Tora. Se torna verso el Humash i melda los komentarios ke para eya son illuminantes. En Anvers kanto el «Requiem» de Verdi I topo ke paresia al Kadish. A vezes aze orasiones en kantando. Pensa ke esta aziendo Tikun. Antes de enkontrar a su marido Fanshil tenia 19 anyos i se konvertio despues al Judaismo, teniendo fundasiones relijiozas. Le dizia a su madre ke le plazería meldar toda la Biblia. Estava siempre bushkando algo kuando enkontro a su marido estudiando en el Konservatorio de Sydney. Kuando otros meldavan «Vogue» eya meldava la Tora. Oy Lyons i su marido djugan endjuntos en los mas prestijiozos salones de koncerto a traves el mundo. Vladimir la akompanya kon el piano.