eSefarad Noticias del Mundo Sefaradi
Ruda es una planta ke tiene una golor muy buena. Existiya en Izmir vendedores de ruda lo mas eran vendedores Turkos ke kaminavan los distriktos onde moravan los judios, porke ya savian je las mujeres judiyas uzavan de metersen un maso de ruda ensima de la pechadura para ke golga bien.
Este vendedor de ruda pasava siempre viernes la tadre porke las mujeres judiyas viernes se ivan al Banyo Turko, i la tadre del viernes antes de tomar Shabat se metiyan la ruda ensima de el pecho siedro. Esto era el uzo.
De ke el pecho siedro i no el pecho derecho? Dingunos no savian ma era el uzo i la tradision.
Viernes la tadre el Turko vendedor ya pasava i ya gritava en Espanyol, ke se mabezavan unas kuantas frasas:
– Ayde Madame, ruda para Shabat!
Esta tradisyon se repetava kada viernes.
—————————————————————————-
Del livro de Albert Contente » Mis memorias ilustradas»
—————————————————————————-
Fuente: Zelda Contente y Rachel Amado Bortnick
