eSefarad Noticias del Mundo Sefaradi
Keridos amigos i amigas.
En el Jewish News de esta semana aparese el artikolo presentado por ‘Times Of Israel» ke trata del Dokumentario titulado «La Barbaridad Inkreible de 7 0ktobre».
Spielberg tiene la intension de azer un muevo filmo el disho ke nunka pensava ke iva ver esta barbaridad en su vida. La Fundasion de la Shoa tiene la mas grande koleksion de sovrebivientes kon sus testimonios.
Avlando en Fox News exprimio un choke en frente de la violensia perpetrada por Hamas kontra Israel, al lado del Antisemitismo en Suvida.a traves el Mundo, en los ultimos 2 mezes. El antisemitismo estuvo ayi siempre i estava en el kanton siendo poko visto. pero siempre amenazante. Komo en la Alemania de los anyos 1930. Nunka desde estos anyos el avia sentido esto en la manera de Hitler i Mussolini. La Fundasion de la Shoa kolabora kon ekipos de israel para arekojer testimonios sovre los masakros de 7 Oktobre.kuando 7000 terroristos pasaron la frontiera a Israel en tierra, mar i sielo, matando a 1200 personas ke en mayoria eran siviles. tomando en rehen tambien a 240 personas.
De este insidente ay el testimonio de «Shaylee Atary» ke se fuyo de su kaza en kibutz Kfar Aza kon su bebe de 4 semanas. Su marido ‘Yahav Winner’ era matado por los terroristos kuando estava ayudando a su mujer i al bebe. Sentio ke estavan korriendo detras de eya. El testimonio de Shaya kontiene 130 entrevistas echas en 7 Oktobre.
Spielberg ke fondo a esta organizasion en 1994 kree ke este esforso va asegurar las bozes de los sovrebivientes ke seran un instrumento fuerte kontra la suvida del antisemitismo i el odio. La inisiativo viene en tiempo de la suvida del antisemitismo a traves el mundo kuando Israel se harva kon Hamas. Ofrese la promesa ke las istorias de los sovrebivientes seran oyidas i kompartidas en el kavzo del Olokosto i en el kavzo de 7 Oktobre 2023.
—————————————————-
Desde ke israel resivio el orden de la ONU a meter fin definitivo al fuego, mismo los paises ke eran amigos empesaron a tornarsen kontra israel kon sus atakes konstantes en Gaza. El sujeto prinsipal es el numero de muertos i las sirkonstansias en la Franja de Gaza. No se mostra kaji el sufrimiento de Israel ke tiene ke kumplir sus objektivos. Pago un presio alto i no es el tiempo de abandonar o kapitular. Ensima de esto aparesen otros enemigos komo el Yemen echando misiles sovre los vapores ke salen de israel o se van a Israel. La gerra kontinua desgrasiadamente.
Trezladado por Simon Geron de Sydney
Fuente: Ladinokomunita
