eSefarad Noticias del Mundo Sefaradi
A los amantes de Ladino:
Al enkontro del Dia Internasional de Ladino, ke será el 5 de Desembre 2013, el livro LA PERASHA DE LA SEMANA se ofrese en un presio realmente sorprendente:
En Israel: 22 Shekel
Para Evropa: 5 Euros
Para todas otras partes del mundo: 10 Dolares
Los presios ya inkluyendo los gastes del envio!!
El livro, eskrito por Yehuda Hatsvi, kompletamente en Ladino, es una koleksion de komentarios sovre los kapitolos de la Tora, semana por semana.
Es un regalo presiozo para kualkier judio en el mundo.
Es posivle de resivirlo por el korreo, en adresandovos a eSefarad@eSefarad.com o direktamente al autor:
Yehuda Hatsvi
Rehov Sokolov 6,
Herzelia 46497
Israel
«Livros en Ladino»
Comite para la difusion de libros en Ladino
PO Box 1057
Ramat Hasharon 47110 (Israel).
PREFASIO
La kreasion de LadinoKomunita, el Foro de Internet de Konversasiones en Ladino, ya tuvo unos kuantos rezultados muy pozitivos para el futuro de muestra lengua – entre eyos la puja muy apresiable en el numero de personas ke partisipan a este foro no solo kon kurtos mesajes, sino ke tambien kon kuentos, rekuerdos de sus vida, poemas i mas, kontribuyendo ansi al esforso ke es echo en diversas partes del mundo para un renovamiento de la kreasion literaria en ladino.
Uno de los ke partisipan aktivamente a este esforso es Yehuda Hatsvi ke, en desparte de ser uno de los moderadores del foro, eskrive tambien una seria de komentarios sovre la Perasha de la Semana – inisiativa ke el empeso anyos atras en unas kuantas publikasiones djudias latinoamerikanas i esta kontinuando agora en LadinoKomunita, renovando en una sierta manera la tradision de «darsar» en ladino sovre temas de la relijion djudia, en el korso de las orasiones ke eran echas en muestros kales en las tadres o dias de shabat i de fiesta.
Algunos de estos sermones yegaron asta muestros dias, de manuskritos ke los darsadores avian guadrado entre sus dokumentos, o de las rubrikas espesiales, kon komentarios sovre la Perasha de la Semana, publikadas en algunos periodikos de la prensa en ladino. Regretablamente, solo pokos de estos komentarios fueron publikados en forma de livros i sus falta se konsiente aun mas i mas en muestros dias, kuando la tradision de darsar en ladino en los kales kaje i ya desparesio enteramente.
Es djustamente para remediar a esta falta ke la Autoridad Nasionala del Ladino desidio de apoyar la publikasion de este livro kon los komentarios de Yehuda Hatsvi, ke kontribuiran no solo a ke los ladinoavlantes puedan mijor konoser i apresiar la Biblia, sino ke tambien a los esforsos para ke el ladino no kede de ser una lengua biva i ke no sea relegado a los sirkolos de investigasion akademika solamente.
Moshe Shaul
Viseprezidente
Autoridad Nasionala del Ladino
YO KIERO EL LIVRO,
Estimado Shlomoh, envienos un mail a eSefarad@esefarad.com con su dirección de entrega.
Le enviaremos una solicitud de Paypal para realizar el pago. Una vez pagado el libro se lo enviaremos por correo a su dirección.
Muchas gracias.
Zoko de eSefarad
vivo en Europa,me gustaría contactarme con Yehuda Hatsvi por mail y encargar el libro,
gracias, Jag Jánuca Sameaj
Rebeca, las condiciones de venta están en el artículo. Para encargarlo debe escribir un email a esefarad@esefarad.com o escribir al autor a la dirección indicada más arriba.
Saludos cordiales
eSefarad