EL ESKRIVANO RUSO «ALEXANDER SOLZHENITZIN» trezladado por Simon Geron

La semana pasada el Daly Telegraph tenia un artikolo sovre el eskrivano ruso «Alexander Solzhenitzin». En Augusto 1971 estava en la linya de un magazen en «Novocherkassk» kuando un ombre paso delantre. No tenia razón para sospecharlo. Pero a la fin del dia el kuero a su siedra estava kemando. Supito salieron granos i no tenia fuersa para kaminar. Se topo en la kama durante 3 mezes i se rekupero a la fin de una hazinura muy misterioza. Mismo si no tenia sospechas ke el governo estava detras de este akto, salio ke el KGB le metio el tosigo. Puedia ser RICIN.

Nasido un siglo antes oy, sovrebivió despues de ser espionado i lo embiaron en exilio akuzado de trahision. Despues de 20 anyos se torno atras a un pais ke no era lo mismo. Su nombre era «Isayevich Solzhenitzin» nasido en «Kislovodak» en 11 desembre 1918. Su padre se yamava «Isaasky» de una famiya de intelektuales. Estudio Filolojia en la universidad i en la Primera Gerra Mundial se harvo kontra los Alemanes komo voluntario. El padre se murio en un aksidente 6 mezes antes ke nasio Solzhenitzin. Su madre ‘Taisiya» lo engrandesio en provedad en una époka de transisión al komunismo i en medio de una gerra sivil. Tenian problemes ekonomikos en la kolektivizasión de las fermas i los bienes de la famiya. Alexander eredo la kuriozidad de los 2 parientes i era un buen elevo en la eskola. Despues estudio matemátika en la Universidad de Rostov. En la Segunda Gerra servio en la armada en un posto de artilería. Suvio de rango i se izo komandante de una kompanyía.

En 1945 en unas letras ke embío a sus amigos avlo kontra Stalin i kijo formar una organizasión kontra el governo. Estas letras ksyeron en manos de «SMERSH» ajensia counter intelijensia. Lo arrestaron i lo embiaron al GULAG/ Una prizion de lavoro forsado en Siberia i fue liberado en 1953 i egziliado en Kazakistan. Tuvo ayi un tumor en el estomago en 1954. En 1956 torno atras del egzilio i topo empiego komo profesor i se metio a eskrivir fiksion bazado sovre sus experiensas, komo el livro titulado «One day In The Life Of Ivan Denisovich». Estas estorias kritikavan a la Union Sovietika i no era permetido de publikarlas. Kon la muerte de Stalin en 1953 «Nikita Krushchev» empesó a alimpiar el pasado bruto i el mismo aksepto ke sean publikados los livros de Solzhenizin en 1962. Estos livros tuvieron un buen sukseso. La djente en el estranjero se interesavan a esto.

Una vez ke Krushchev kayo en 1964 el leadership se intereso menos a sus eskrituras. Solzhenitzin se topo ovligado de publikarlas en el estranjero, resivio el Premio de Nobel en 1970 i no lo aksepto por miedo de no poder tornar atras a su pais. En los anos 1960 estava eskriviendo 3 volumes sovre «EL GULAD DE ARCHIPELAGO» ke fue publikado en Fransia en 1973 i en 1974 en otros paises. De ayi se fue a los Estados Unidos biviendo en «Vermont» eskriviendo dainda asta ke entro en poder «Mikhail Gorbachev». El le dio su sivdadania en 1990. Se torno atras a Rusia en 1994 i publiko el livro «A History Of Jews In Russia» 200 anyos endjuntos». En 2008 se murio serka de Moskova.