eSefarad Noticias del Mundo Sefaradi
Keridos amigos i amigas
En el Jewish News de la semana pasada avia un artikolo presentado por «Jessica Abelsohn» tratando del Festival de Filmos Judios Internasionales ke toma lugar en Sydney entre Marso i Avril. Parese a un program ekselente i el Direktor Artistiko «Eddie Tamir» se siente orgulyozo por sus seleksiones de filmos. En la noche de aviertura el primer filmo ke se mostra trata de la ikona feminista i en la noche de serradura se mostra un filmo multi-jenerasional i istoriko tratando de la melodrama de una famiya. [Ke pekado ke no puedo irme al sinema porke mi mujer evita todo kontakto kon el publiko i si mismo ay kozas ke somos permitidos de azer, se siente ovligada de no tomar dingun riziko]
saludes a todos.
Saludes a todos.
Mostran filmos de eroes i de fiksion, dokumentarios sovre el Olokosto i mas.
En el primer filmo «Simone Veil» «A WOMAN OF THIS CENTURY» eya se kompara a «Ruth Bader Ginsburg» ke selebra la vida i legasia de un ikon feministo i a una mujer ke es la mas amada en Fransia.
Al otro lado del spektrum se mostra una seria «THE BEAUTY QUEEN OF JERUSALEM» ke trae en vida jenerasiones de la «Famiya Ermoza» ande djugan los aktores «Michael Aloni, Hila Saada, Itsik Cohen». Se puede dizir ke los filmos de Israel son konsiderados komo kayentes en el mundo. La parte interesante es ke tienen un janr de TELENDUELA en kontraste a los filmos de espiones militares i adjentes trajando debasho el suelo. Ay algo mas fresko en su tono. Mismo si unas temas son atadas al Imperio Otomano i al Mandato Britaniko lo ke esto konta es el Establesimiento del Estado de Israel. Kontiene kestiones familiales i interpersonales i los inriges de la divizion «Sefaradi/Ashkenazi» en Jerusalem del tiempo.
El filmo «RADIANT GIRL» trata de una ija de 20 anyos, Judia Franseza, ke presta su atension a lo ke se pasa en Paris en 1942. Se siente eksitada sovre una vida ke exkluia la realidad alrededor komo un mekanismo de defensa. Esta inche de enerjia.
Mostran dozenas de otros filmos de istoria i de amistad, de los eroes de la istoria i de los evenementos estranyos.
En el filmo «HERE TODAY» se ve a una en su estado de demensia.
«THE TIGER WITHIN» trata de una amistad imposivle entre el sovrebiviente del Olokosto i un joven ke se fuye.
Los dokumentarios avlan de «Sigmund Freud, Leonard Cohen, Helmut,Neluton i Menahem Begin»
Despues de kaji. 2 o 3 anyos de Covid sale el sentido de kambio ke se ve kon «Simone Veil i en PAINTED BIRD» en kontraste kon «GREENER PASTURES» i «TANGO SHALOM». La istoria de un Rabino Hasid ke es amator de la HORA, entrando en kompetision por su Eskola Ebrea para resivir unos fondos.
Trezladado por Shimon Geron, Sydney
