eSefarad Noticias del Mundo Sefaradi
Keridos amigos i amigas.
En el Jewish Report de Mayo «Dr. Yvette Alt Miller» presento un artikolo titulado «Considered Opinion» Dichas de Inspirasion sovre los Judios i Israel.
SALUDES A TODOS
Las leyes de los Reinados Antiguos komo Numa i Lycurgus son muertas. Atenas, Sparta i Roma desaparesieron. Pero Sion no peryo sus kriaturas. Se mesklan kon todas las nasiones i nunka son perdidos. Nunka tienen sus lideres i por tanto son una Nasion, no tienen un pais i por tanto son sivdadanos.
«Jean Jacques Rousso» un Filozof Fransez disho, «Las estatistikas son djustas i los Judios konstituyen un kuarto de un por sien de la Rasa umana. En realidad tendrian ke no ser oyidos. Por tanto son oyidos por otros, komo djente importante, extravagante fuera de proporsion. Sus kontribusiones al mundo presentan nombres en la lista de literatura, siensia, medisina, arte, finansas, malgrado sus flakezas en numeros. Izieron lo mismo en todas las etapas de la istoria. Kisas son muy orgulyozos i esto se puede entender.
Los Ejipsianos, Persos, Babiloniens izieron un grande bruido i se fueron. Vinieron otros a traer luz por un tiempo ma el fuego se ensendio. Por tanto los Judios vieron partir a todos i sovrebivieron sin dinguna dekadensia, hazinura i flakeza.
Todo es mortal, ma los Judios se kedan aki dainda.
«Mark Twain» autor Amerikano disho «Komo es posivle ke este autor viejo, Voltaire, ke represente a los ebreos Kontenibles kon tanta klaridad? Son la mas glorioza nasion ke vino al mundo. El Imperio Romano kayo komparando a los Judios ke les dio una relijion ke bive entre tres kuartos del mundo influensando los asuntos del ombre en alegria mas ke otras nasiones ansianas i modernas
Mos vino en muestro tiempo al bodre del Rio Jordan komo un Estado Judio basho la proteksion de la Korona Britanika. para akomodar 3 o 4 miliones de Judios. De kada punto de vista seria de benefisio disho Winston Churchill el futuro Primer Ministro en 1920 ke «Israel no fue kreada para desapareser. Enfloresera. Es kriatura de esperansa i kaza de los bravos. No se rompe por los adversos i no se demoraliza en sukseso. Tiene Democrasia i la espada del onor de libertad.’
El Presidente «John F.Kennedy» dio un mesaje a la Organizasion de Amerika Sionista diziendo «La Vista de Jerusalem es la istoria del «Benjamin Disraeli» Primer Ministro Britaniko disho «Paz por Israel sinyifika Seguridad i Proteksion para el Derecho de Existir i ke su «Territorial Integrity «sea protejado de kualkiera manera. Veo a Israel komo la mas grande forteresa de Democrasia i un buen egzemplo de lo ke se puede azer. «Paz por Israel ke su seguridad sea echa»
El «Reverente Martin Luther King» en su adreso disho «Una Nasion ke yora i aze taanid desde 2000 anyos por su Tierra i su Templo sera un dia aregalada kon todo esto.
‘Napoleon Bonaparte Imperador» en su vijita a la sinagoga en Tisha BeAv, disho kuando vido a los Judios yorar i azer Tanid por la Destruksion del Templo «Miri kon admirasion el progreso echo por rehabilitarse en Palestina, una tierra dezolada por siglos. Agora una juventud lavora kon entuziasmo, vitalidad i sakrifisio personal komo Pionieros Judios aziendo un lavoro duro por la Justisia Sosial.
«Herbert Hoover Presidente de America» disho «Un dia el mas orguyozo en mi vida se paso en 1948 kuando anunsi el Rekonosimiento del Estado Muevo de Israel. Es importante ke seamos los primeros en una amistad larga del puevlo
Insisto ke los Judios izieron lo mas para sivilizar el ombre mas ke otras nasiones. El destino ordeno a los Judios ser un instrumento para sivilizar a las nasiones. Propagarlo a toda la umanidad la Doktrina del Supremo intelijente i savio ke es el Dio Poderozo i Soverano del Universo. El prinsipio de toda la moralidad.i toda la sivilizasion
El Presidente Americano «John Adams» eskrivio en una letra al Juristo Holandezo «Francis Adrian Van Der Kemp» diziendo «Lo ke ensenyan los Judios de la moralidad es un egzemplo praktiko de sus vidas kreadas por sus padres okupando una pozision mas alta ke todo representando los goles i aspirasiones de muestra sosiedad.
El Presidente Amerikano «Benjamin Harrison» en su adreso al Kongreso disho despues de unos Pogromes en Rusia «Esto kontra de prevenir a los Judios de azer kozas de lo ke azen otros. Esto kontra el Antisemitismo i el Prejudisio.
«Winston Choerchill» en su adreso al parlamento disho «Ay unos ke aman a los Judios i ay otros ke no los aman. Pero dinguna persona ke pensa puede inyegar el fakto ke los judios son formidables i una rasa lo mas ke aparesio en el mundo. Kuando kritikan a los Sionistos, implikan a los Judios, avlan del Antisemitismo.
Tradusido por Simon Geron de Sydney
Fuente: Ladinokomunita
