eSefarad Noticias del Mundo Sefaradi
Vini Selebraremos el Kuatren Dia Internasyonal del Judeo-Espanol/Ladino kon un tur de 4 dias
Selebrasyon del Kuatren Dia Internasyonal del Judeo-Espanyol/Ladino en Estambol kon un tur de 4 dias inkluyendo un tur a Edirne.
Sigiendo kon el sukseso de los Dias Internasyonales del Judeo-Espanyol/Ladino, pensamos selebrar el kuatren en el anyo 2017, kon un tur de kuatro dias (del 9 asta el 12 de Marso 2017) organizado por muestro Sentro Sefaradi de Estambol. El programa va inkluir lo sigiente:
- 8 Marso Mierkoles
Yegada a Estambol - 9 Marso Djueves
Tur a Edirne eskapando kon un chiko konserto de kantes sefaradis - 10 Marso Viernes
Tur de medio dia: vijita a institusiones djudias i komida de Shabat - 11 Marso Shabat
Orasiones en la Sinagoga Neve-Şalom i tur del muzeo /dia libero / teatro por la noche - 12 Marso Alhad
Dia Internasyonal del Judeo-Espanyol/Ladino – fin de las aktividades
Estamos anunsyando el programa de bastante temprano para ver kuanta djente del estranjero seran interesados para vinir i partisipar a este programa maraviyozo. Si savemos kuantas personas vendran vamos a poder kitar el presio de las aktividades desde el momento ke yegaran a Estambol asta la noche del Alhad el 12 de Marso 2017.
Si vos interesera de venir para partisipar a este evento, eskrivimos por favor a muestro email: sephardiccenter@gmail.com o embiyamos un mesaje por whatsapp al numero de telefono: +90 542 425 8176
Esperamos vervos a munchos de vozotros aki en Estambol «el anyo vinyen»!
