eSefarad Noticias del Mundo Sefaradi
Keridos amigos i amigas
Saludes a todos
DESPUES DE PESAH
Pesah se termino. Ke se aze agora? Alimpiar la kaza, azer kompras para Pesah, trokar de platos, trotar de kozina i de servisio? Por finir se mete todo del lado agora. Se torna a una Rutina Normal. Ay unos ke se keshan del lavoro de Pesah i preferan mas ir a otros lugares. Ma es mas fásil dezirlo ke azerlo.
El Seder Kommunal tiene una istoria larga. En Tiempos de la Mishna, parte de la festividad de Pesah konsistia de grupos de ‘Sedarim». La Autoridad Liturjika del Siglo 14 refera al Kostumbre «Babiloniano/Espaniol» de azer el Seder en el Kal para ayudar a los ke no se konosian en la prosedura. En Israel i a traves el mundo, miles se van a otros lugares. Los oteles se son yenos de Programes de Pesah. Sienes de personas se topan en la Sala Grande del otel. Unos lo azen en sus kamaretas. A la fin del kuento el ideal es de selebrar el Pesah entre famiya i en kasa. Toda la famiya partisipa a esto. Ninguno dise ke «No vamos a observarlo mas.»
La kosa importante es ke después de Pesah se mira atrás a la memoria i se pensa «Esta kriatura en este anio disho»Ma Nishtana Ha Laila Ha Ze?» por la primera vez.
«Este anio una otra kriatura se kedo asta la fin del Seder»
«Este anio uno ke no se interesava del todo en el Judaísmo, tomo la pena de venir al Seder i le plazio muncho»
«Este anio avia una istoria, una kantika, un paragrafo o un konsepto ke izo pensar a unos.»
Así se topan kantando la melodia por semanas. Siendo esto te vas al Seder kada anio.
——————————————
Trezladado por Shimon Geron. Sydney
Fuente: Ladinokomunita
