eSefarad Noticias del Mundo Sefaradi
UN SUENYO
Ayyyyyyyyyyy
Ke no dariya yo oy
para tener una kazika,
guerta kon arvoles de moras
i de serezas kon un chiko pozo !…
Una guerta ande vo pueder sembrar
domat i piperushka, sevoyas freskas,
salata, prishil i menta…
Serezas… Moras
UN SUENYO
Una guerta para repozo a mi alma
Kon gatiko
Amigo del perriko
Una kuna debasho de la solombra
i un pozo
chiko i ermozo
Arvoles de serezas i una de mora
i yo debasho
rogando a mi Amigo
Una kaze ande biven el amor i l’alegriya
sin dezrepozo
sin ojo malo
Un nido de rizas, mi mano en la suya !
Sharope blanco
La kuna i mi mano en la suya
Sharope Blanco
Sefaradimuestro
En esta seksion Sharope Blanco, fundadora de Sefaradimuestro, un foro en Internet para korrespondensia sovre kultura sefaradi kon el buto de ranimar la kultura de los djudyos sefaradis, va a partajar kon mozotros su penserios i kriasiones literarias.
Ver todos los artículos de esta sección >>
