De la pluma de Sharope: KE DIZE .A. ? por Sharope blanco

Ver todos los artículos de esta sección >>

Por ser Mio te lo regali todo
Tu puerpo ke no es mas ke lodo
Tu alma, para ke bivas i gozes to todo
Tu neshama ke es Miya i te la vo tomar
Kuando el Diya va vinir, Me vas a tornar.

Ke bivas i konaskas el amor i las ermozuras
Te di el mundo kon amigos, flores i frutas
Kome i konose la savor de todas las vedruras
Mira el Sol, al sielo immenso, tan blu los diyas
Las noches briyando kon la Luna i las estreyas…

Mis Oseanos i los Diziertos para ke t’akodres
Ke no egziste mas Grande ke Mi, ke no te olvides
Ke sos nada mas ke un grano de arena en sus bodres.
Apanya pasharos ke bolan i pishkados ke nadan
Las vakas i los kodreros son tuyos i no mankan…

Te di gameyos, aznos, elefantes i kavayos…
Ambezales a yevarten i ke te siervan d’amigos
Ma nunka no les agas mal porke enjidan los malos !
Para todos, fina a la yerva de tu puerta ke tengas PIADAD
Kada planta i kada ormiga YO lo kreyi i es la unika VERDAD

 

Sharope Blanco
Estambol

SEFARADIMUESTRO