eSefarad Noticias del Mundo Sefaradi
Ver todos los artículos de esta sección >>
DICHAS DE LOS INDIANOS
KE SON LOS VERDADEROS
DUENYOS DE LAS AMERIKAS
En este diya del Holocausto, los nombro kon muncho respekto i rogo por las almas de estos vayentes guerreros ke biviyan tan serka de la natura i ke oy, no tuvyeron mas otro remedyo ke asimilarsen a la mas
poderoza fuersa del mundo todo en no olvidando las kostumbres de sus ansestros.
– En la primavera piza ande kaminas kon kudyado porke la tierra esta prinyada….
– Kuando konoseras el amor, konoseras tambien EL ke te kriyo.
– No arresponder es una repuesta tambien.
– Aspera i oye…. Si avlas siempre no vas a entender nada !
– El ke ve lo yerrado i no ekstende la mano para enderecharlo es kulpozo de la mizma manera ke el ke lo kulpa.
– No te espantes de yorar… Los pensamientos ke te kavzan dolor se efasan kon las lagrimas.
– No juzges kon tus ojos ma kon tu korason.
– Mas la persona se alesha de la natura i mas su korason se endurese…
– Devemos ser komo la agua… Abasho de todo ma mas duro mizmo de las rokas.
– Si dos personas son attadas kon lagrimas Sus anyudo es fuerte i nada los puede apartar mas
– No me siguas, puedo no ser un buen guia No te vaygas adelante de mi puede no seguirte Kamino a mi lado… Seremos igual tu i yo
– Kuando asuven las aguas los pishkados komen las ormigas. Kuando las aguas abashan i estan ambyertas son las ormigas ke komen los pishkados…. NO tengas fe en tu poder de oy porke solo el koryente de la agua puede desidar ken sera la proksima viktima !
– Siglos atras siglos las nuvlas vazyaron lagrimas de piyadad sovre mis tierras, mi puevlo kreyendo a los sielos kon amistad . Estos sielos de un momento al otro se visten de grizo, de klaro i briyando, luvyas supito pueden yegar… Ma mis palavras son komo las estreyas ke nunka vana trokar.
– Trata la tierra kon muncho kudyado… No la resivites en regalo de tu aguelo Te se empresto de la parte de tu ijo
– Verash ke no puedrash komer vuestra moneda el diya ke kayera el d’alkavo arvole, se envenera el d’alkavo riyo i se morira el d’alkavo pishkado
– Konta lo ke saves ma no des tu opinion a ken no lo demanda. Oye bueno lo ke te dizen ma no kreyas ke todo es vedra. Kedarso kayado no sinyifika ke no saves nada, I el ke avla muncho no es siempre por savyedura. Pensa ke los otros son tus iguales. Te yerrariyas si kreyes ke valen manko de ti i seriyas kovarde si pensas ke son superyores a ti. El koraje es koraje si viene del saverisyo i es inyorensya si rezulta de no tenerlo eksperyensyado.
– Porke tendriya ke ambezar a los otros la konfiensya i ensuzyar mi alma… Ke eyos aprendan a inspirar konfiensya !
Sharope Blanco
Sefaradimuestro
En esta seksion Sharope Blanco, fundadora de Sefaradimuestro, un foro en Internet para korrespondensia sovre kultura sefaradi kon el buto de ranimar la kultura de los djudyos sefaradis, va a partajar kon mozotros su penserios i kriasiones literarias.
Los indios son los únicos y verdaderos dueños de América, hasta que aparecieron los jodidos blancos.