IMAJINASIONES DE MARGALIT: 2 poemas de EL PUNCHON – SALONIKA – 30 MAYO 1924 – Margalit Matitiahu

Ver todos los artículos de esta sección

EL PUNCHON – SALONIKA – 30 MAYO 1924

PORTO SALVO

Avre tus brasos kerida, duremire en tu seno,
Ayi mi alma se emborachera de tu amor,
Ayi durmire de un esfuenio dulce y sereno,
Ayi se kalmara, al menos, un poko mi dolor.

Mi alma batida por la tempesta de la vida,
Bushka en vano un porto salvo para repozar.
Ma tu kalmo seno es siempre mi naveo ankorar.

Las tempestas no puedran alkansar asta tu porto,
Ni ayi vendrán las olas salvajes harvarme mas.
En tu seno bivire – o murire – en transporto,
En tu seno mis ojos mas no vertiran lagrimas.

Avre tus brasos, te rogo, dunke kerida miya,
Y si asta ayi la tempesta me viendra harbar…
Ha! Estonses tu amor kalmara mi agonia,
Y, venturozo, en tu seno me puedre aaogar.

Jozef Romano

Ke kulpo yo?

Si el destino non me dize
Y la natura me maldize
Ke kulpo yo?

Si la shans non me favoriza
Y sufro siempre de la kriza
Ke kulpo yo?

Si en trokando mil y un echo
Non puedo tener moneda al pecho
Ke kulpo yo?

Si en deviniendo jurnalista
Esto pidriyendo la vista
Ke kulpo yo?

Si no desho este lavoro
Por kedar en el yoro
Ke kulpo yo?

Si avlo siempre la verdad
Piedro muchas vezes la amistad
Ke kulpo yo?

Si non puedo a todos satisfazer
Y al mundo entero dar plazer
Ke kulpo yo?

Si perkuro de harvar kon razón
Sin espanto de el mazon
Ke kulpo yo?

Si no so mirado komo pichon
Por algunos enemigos del Punchon
Ke kulpo yo?

A kien la kulpa alora reviene?
A kien la kulpa apartiene?
Ni a ti ni a mi es duvida,
Esta es mi shansa, mi vida!

Jan Valjan

.

_____________________________________________________________

SOBRE LA AUTORA MARGALIT MATITIAHU

Nacida en Tel Aviv (Israel), licenciada en Literatura Hebrea, Filosofía. Escribe poesía en judeo-español (sefardí o ladino) y en hebreo. Traductora, programas de radio, ensayista, colaboradora literaria.
Secretaria General de Federación Israeliana de Escritores. Fue Presidenta de AIELC durante seis años.
Co-directora de la revista Entrelíneas. Sobre su poesía: investigación de la Prof. A.M. Riaño (Univ. de Granada), entre otros. Poemarios publicados: «Kurtijo kemado» (bilin. 1987), «Alegrika» (bilin. 1992), «Matriz de luz» (1997), «Vela de la luz» (1997), «Kamino de tormento» (plaq. 2000), «Bozes en la Shara» (2001), «Vagabondo eternel» (2001), «Despertar el selencio» (bilin. ladino-hebreo, 2004); «Aromas y memorias» (CD; poemas recitados y cantados).
Premios a poemarios: Ateneo de Jaén (1996), Fernando Jeno (1994). Premio de creacion del Primer Ministro (1999). En Diciembre 2003 se inauguró en Puente Castro, León, una placa al nombre de Margalit Matitiahu.
Es productora de dos documentales realizados con su hijo, el cineasta Jack Matitiahu.