eSefarad Noticias del Mundo Sefaradi
Ver todos los artículos de esta sección
UN PUNTO EN EL TIEMPO
Margalit Matitiahu
En la plasa del muzeo archiologiko de Athenas
La plasa.
El parke.
El sol.
La solombra.
El frio.
Sola.
Asentada en la kasa del kafe, pensando
en las patadas ke desha el tiempo,
en la alma de la tierra ,
en los kantaros gigantes,
en las estatuas de metal,
en las karas trenzadas de marmaro y piedra
de Athenas, Creta, Miquenis, y mas.
La sivdad se hincho de ruidos.
Las palombas fiestavan en la plaza.
El sol kareso mi kara
kon alas de kalor.
Una mujer vestida de preto
kaminava a pasos de vejes
komo kresiendo del tiempo pasado.
Vino la nuve y kuvrio el sol,
de muevo vino el frio.
Un perro raviozo asiguio a las palombas blankas.
Me aserki del vendedor de kastanias
ke pregonanva la golor y la savor.
En mi memoria suvio
la dulse boz de mi madre
ke me akompaniava
komo un mirador…
Un punto se kuajo
en el tiempo.
_____________________________________________________________
SOBRE LA AUTORA MARGALIT MATITIAHU
Nacida en Tel Aviv (Israel), licenciada en Literatura Hebrea, Filosofía. Escribe poesía en judeo-español (sefardí o ladino) y en hebreo. Traductora, programas de radio, ensayista, colaboradora literaria.
Secretaria General de Federación Israeliana de Escritores. Fue Presidenta de AIELC durante seis años.
Co-directora de la revista Entrelíneas. Sobre su poesía: investigación de la Prof. A.M. Riaño (Univ. de Granada), entre otros. Poemarios publicados: «Kurtijo kemado» (bilin. 1987), «Alegrika» (bilin. 1992), «Matriz de luz» (1997), «Vela de la luz» (1997), «Kamino de tormento» (plaq. 2000), «Bozes en la Shara» (2001), «Vagabondo eternel» (2001), «Despertar el selencio» (bilin. ladino-hebreo, 2004); «Aromas y memorias» (CD; poemas recitados y cantados).
Premios a poemarios: Ateneo de Jaén (1996), Fernando Jeno (1994). Premio de creacion del Primer Ministro (1999). En Diciembre 2003 se inauguró en Puente Castro, León, una placa al nombre de Margalit Matitiahu.
Es productora de dos documentales realizados con su hijo, el cineasta Jack Matitiahu.
