eSefarad Noticias del Mundo Sefaradi
Amantes muy queridos de ḥaketía,
Purim es alegría! La unicá vez que podemos hazer muncho harash en la eznoga, sin que meḥeen muestra boca.
Y pizzotear pizzoteamos el suelo con todo el kuaḥ, za’amá es la cabesa de Hamán harasháˤ, y con eso, se saca buen sacado el essem que tenemos. Y venga los cantars, chistes y los ma’ases, y venga las mezzas achocadas de todas muestras ḥaĵitas. Y todo se haze ḥattá “de lo yadaˤ”, zaˤama, ḥattá que no más.
De cantares, el más alegre muestro es Esta noche de Purim – halaquile cantadó endiamantademente por la makelá (coro) Ĝerineldo, cortezía de Oro Anahory y de todos los miembros de ĜERINELDO. El CD luzzido de Ĝerineldo se vende directamente. Cliquear aquí pa la dirección y los detalles. No quedaron muncho CDs., ansi que no hay que meshear pa tener uno, que y si se qadean, llamai a Tamar que venga a fukkear…
Cliquear pa scuchar la Meguilá por Ribí David Kadosh. Escapado del mal por esa dursura con que lo canta.
Y clicqear aquí pa leer mi relato Los masapanes de Purim, y sus waḥlás, y aquí pa escucharme leyendolo.
