eSefarad Noticias del Mundo Sefaradi
Keridos amigos i amigas.
En el JEWISH NEWS de esta semana «Juan Melamed» presenta el artikolo ke trata del Bombardeo en Buenos Aires de la Komunidad Judia.
——————————————
Noah i Shay Abruj nunka se avian enkontrado kon el tio «Cristian Adrian Degtiar». Por tanto la famiya izo el punto de mostrarsen en una noche fria la semana pasada para onorar su memoria.
Cristian Degtiar tenia 21 anyos ke representa la edad ke tiene oy Noah Abruj. kuando murio en 18 julio 1994. Paso un kamion por ayi i destruyo la Komunidad djudia de AMIA.
2 anyos antes de esto la Embasada de Israel era bombardeada. Los ermanos Abruj aparesieron en el aniversario de 30 anyos el ultimo Mierkoles, avlando de las viktimes i onorando sus memorias.
Diferentes governos i judisiarios tratando malo la politika i las investigasiones, los djudios se keshavan de no aver traido a la justisia a los ke eran responsables. Mizmo kuando fue dicho despues ke Iran kon sus proxies Hezbollah i Hamas estavan detras de esto.
El nunka avia konosido a su tio fizikamente, ma los de la famiya tenian munchas kozas a kontar sovre el. Ansi le mostraron unas fotos de el i kontaron unas anekdotas. No se savia si puedia aver justisia en este kavzo, ma era importante de kontinuar las investigasiones para ke las victimes no sean olvidadas.
Las jenerasiones futuras devrian saver lo ke se paso aki. Una delegada del antisemitizmo en Amerika Deborah Lipstadt kon otros 30 de paises enderredor del mundo vinieron aki i ente eyos estava uno de la Australia. El plano ke tenian era nomado «Global Guidelines for Countering Antisemitism» en manos del governo i de la sosiedad sivil.
El Prezidente Milei prometio de areglar las dekadas de inaksion. Antes de esto Hamas era desinyada komo una organizasion de terror kortando la moneda ke resivian. Milei venia de kultivar relasiones buenas kon Israel.
La seremonia empeso en 09.53 ke es la ora de la eksplozion del kamion antes 30 anyos. El Prezidente Biden embio a su sekretario Antony Blinken kon una letra diziendo ke eran kometidos a kastigar a la djente ke izieron el mal. Se tratava del rolo ke Iran djugo en orkestrando este atako en 1994, topando un atadijo kon el evenemento de 7 Oktobre en Israel.
Cardin ke tenia avuelos djudios en Amerika, venian de Lituania en 1908 i adresaron la konferensia. El disho: «Komo la djente de mi famiya los djudios en Argentina tenian de luchar kontra el antisemitizmo.
Una komunidad ke nunka abandono la justisia. El atako de 7 Oktobre le kito el trono a Amia siendo el atako el mas grave desde el Olokosto. Entre todos los atakos el orijin estava en Iran. Porke este pais siempre somporto al terrorismo.
La diferensia entre Amia i Iran era el nivel del odio. Una reaksion ipokrita del mundo.
SALUDES A TODOS
Tradusido por Simon Geron de Sydney
