eSefarad Noticias del Mundo Sefaradi
En el JEWISH NEWS de esta semana «Josh Feldman» presenta su artikolo ke trata de los 250.000 Israelies evakuados del norte i del sud de Israel, un insidente ke no atira mucha atension en la diaspora.
En su entrevista kon «Benji Goral» un Madrij del Kolejio Mount Scopus en Melbourne avlaron de munchas kozas. Entre los evakuados avian munchas kriaturas de 7 i 12 anyos en la eskola. En mayoria venian de Sderot kon unos de Netivot. Estavan direktamente en la linya de atakos i apartenian a grupos diferentes. El program era aktividades de edukasion, esportes, sensia, kozinar i mas. Resivieron unas donasiones, adjuntando la suvida en kavayos.
¿Ke es ke se pasa kon eyos durante el dia? ¿Resiven el soporte emosional ke tienen menester? ¿Komo azen en sus estudios i komo son sosialmente? Ay unos voluntarios ke les ayudan. Se topan en los oteles i ay a vezes 300 personas en el mismo lugar, de todas edades. Para las kriatuas esto es un desfio de mas. Los adultos tienen menester de privasidad i bivir 3 ermanos en la misma kamareta no ofrese esto. Kada uno en el otel konose al otro.
Ademas entre tantas kriaturas, ay unos ke no se entienden. La trauma ke tuvieron es prosesada de manera diferente en kada uno. ¿A el le demandaron porke tenia una pistola? ¿Es ke ay terroristos? Él vido a unos muertos i la gerra kon los terroristos. Uno de la polisia vino a su ayudo i le demando ke le ayude a mover los kadaveres. Ma mirando a él le disho ke no tenia ke toparse ayi. El proximo dia él i su primo se fueron a dar una mano en el kamino afuera de Sderot.
Estan en la edad de eskola i no se save ande fueron metidos en las eskolas de Yerushalayim. Este echo es bien mantenido por el Ministro de Edukasion i el problem es ke los Mizrahis. tienen un nivel mas basho i ke los Ashkenazim estan en un nivel sosial mas alto. Ay unos ke no se fueron a la eskola del todo. Otros pasaron por el Covid siendo serrados en la kaza ambezando del Zoom.
¿Es ke ay una interaksion kon los parientes? Si ya ay, i se oye lo ke keren. En jeneral les plaze mas ke aiga una Edukasion Formal komo matematika. istoria ets. Es importante ke los parientes entiendan el kamino de la edukasion. Se aze en grupos de ijas i ijos. Él kijo krear un grupo mixto i esto fue refuzado.
En realidad los parientes tambien tienen difikultades. Sovre todo kuando las kriaturas refuzan de azer lo ke les demandan. Ay de meter presion sovre eyos.
Lo mas difisil fue para él adaptarse al tipo de kriaturas. Él nunka avia lavorado kon los DATIS/relijiozos. En poko tiempo djugando el rol, resivió ofertas de los rikos para ensenyar el box i suvir en kavayo al lado de los djugetes. Los rikos Amerikanos kijieron merkar kozas para kada famiya. Avian voluntarios viniendo de Amerika, Inglatierra i Australia, demandando si puedian azer algo por las kriaturas. Un tutor de matematika vino al otel para ensenyar 6 oras por semana para traerlos a una normalidad. Eya le mostra los puntos flakos i fuertes ke tienen estas kriaturas. Arientro de esta lokura él vido el korason de Am Israel en su unidad i esperansa. Ay muncho ke azer, i estan al prinsipio del lavoro. Estas kriaturas tendran menester del ayudo emosional, sosial i edukativo kuando se van a un otro lugar. sin saver por kuanto tiempo.
SALUDES A TODOS.
Tradusido por Shimon Geron de Sydney
Fuente: Ladinokomunita
