1er KOLOKIO DE LOS SHADARIM – 19 al 21 Nov 2024 – En djudeoespanyol – En linea

Los Shadarim, los delegados internasionales reprezentantes de la Autoridad Nasionala del Ladino, vos kombida a un kolokio en linya – i debaldes – del 19 asta el 21 de novembre (la ora mas abasho). Las mezas redondas i los paneles se daran en djudeo-espanyol (ladino i haketia) i avlaran sovre los kuentos, el umor, i la teknolokia en la lingua.

Atansion: es menester de inskrivirvos para KADA DIA del program (si keresh), aziendo klik en «Inskripsion aki» debasho de kada data en kestion; luego vash arresivir los atadijos de Zoom. 

EN LINEA I DEBALDES
SE REKERE INSKRIPSION PREVIA PARA ARESIVIR EL ATADIJO DE ZOOM

ORAS
09:00 Siatli/ Los Andjeles – 12:00 Nu York/Montreal
14:00 Ardjentina – 18:00 Espanya/Fransia
19:00 Israel – 20:00 Turkia

MEZAS REDONDAS

19 NOVEMBRE 2024
El djenero de kuentos djudeoespanyoles i la prezervasion de la kultura sefaradi
Inskripsion aki >>

• Katja Šmid (Espanya) (moderadora) – Prezentasion del projekto “Narasiones sefardís”
• Marie-Christine Bornes Varol (Fransia) – La relasion entre las konsejas i el proverbo
• Željko Jovanović (Fransia) – Komo trokan las konsejas kada vez ke son kontadas: el kavzo de Nehman Levy
• Marta Kacprzak (Polonia) – Lejendas djudeoespanyolas de Evropa Oriental
• Karen Sarhon (Turkia) – La serie de kuentos de Matilda Koen Sarrano
• Bertha Bar-Gil (Israel) – El rolo de la kontadera de kuentos en ladino oy

20 NOVEMBRE 2024
Haketia: Venis y mos farĵearemos: Arriendolo ayer y hoy
Inskripsion aki >>

• Alicia Sisso Raz (Estados Unidos) (moderadora) – Prezentación del proĵecto: El humor en la ḥaketía con palabras y cantares
• Abraham Bengio (Fransia) – ¿Humor en la ḥaketía? ¡Tengas de wueno y tengamos!
• Daniel Jalfon (Fransia) – ¡Wa quién mos diera el mazzal de Ĝerineldo!
• Oro Anahory Librowicz (Kanada) – Conseĵas para arrier
• Reina Benabú (Israel) – Los cantares de muestras madres

21 NOVEMBRE 2024
La teknolojia aplikada a la lingua
Inskripsion aki >>

• Liliana Benveniste (Arjentina) (moderadora) – Prezentasion del projekto: Kreasyon de materiales didaktikos kon IA
• Julia Peck (Estados Unidos) – Avlaremos en kaza
• Daniel Jimenez Casas (Espanya) – Kondjugador de verbos
• Gabor Szabo (Israel) – Kantoniko de Ladino
• Sarah Aroeste (Estados Unidos) – Filmos para ambezar ladino a las kriaturas
• Shai Cohen (Estados Unidos) – Intelijensia Artifisiala para el avenir del ladino

 

PROGRAM