10 KOSTUMBRES DE PESAH A TRAVES EL MUNDO trezladado por Simon Geron

En el Jewish News de esta semana «Abby Seitz» presento un artikolo ke tiene ke azer kon la preparasion por Pesah. Se trata de 10 kostumbres a traves el mundo. Munchas komunidades judias developaron unas tradisiones unikas ke aze la fiesta mas alegre. Por miles de anyos los judios utilizaron el mismo Texto ebreo en komiendo las mismas komidas del ritual komo Matza, Maror i haroset. Ultimamente los Sefaradim kantan «HAD GADYA» en Ladino i en Maroko se marka la fin de Pesah kon una komida ke se yama MIMOUNA.

SALUDES A TODOS.

1] LOS JUDIOS KURDES

Komo en munchas komunidades judias, los Judios Kurdes empesan a prepararsen por Pesah al fin de Purim. Pero en kestion de alimpiar, se van mas leshos, lavando los sakos de aroz, lentejas i de otros legumbres unas kuantas vezes para asegurarse ke no sean Hamets.i ke no aygan insektos. Eyos pintan tambien las paredes un dia antes de Pesah.

2] UNA «HAMSA» EN SANGRE

En Mumbai/India los judios kopian la sangre del kodrero metiendola en la entrada de las kazas de los judios komo fue echo en la salida de Ejipto en la noche de liberasion. metiendo sus manos en la sangre del kodrero o la kavra i despues alimpiando las manos en papel i akolgandolo arriva de la entrada. Esto simboliza proteksion i buena suerte.

3] MESA DE SEDER KON DJOYAS I ORO

En partes de Hungria i Austria las mujeres dekoran la meza kon sus koleksiones de djoyas bazadas sovre el Exodus. Se pensa ke es permitido de rovar a los Ejipsianos ke los avian esklavado por jenerasiones. Se dize «Ande te vas no partiras de ayi en manos vazias»  Kada mujer presta de sus vizinos objetos de plata i de oro i vestidos ke se meten en este dia. Se dize «Te los daras a tus ijos i ijas por ser echos desnudos por los Ejipsianos»

4] YERVA, BONBONES I PIESAS DE MONEDA DE TU AVUELO

Los Judios de Turkia se akodran de las rikezas ke trusheros de Ejipto de manera diferente. El Patriarko de la Famiya echa bombones a las kriaturas para arekojer. El padre i el avuelo komparten los dezeos por un anyo produktivo.

5]  KONTAR LA ISTORIA I DJUGARLA

En Polonia en la sivdad de «Gora Calvaria» el Movimiento Hasidik orijino i las famiyas echan agua al suelo mostrando la salida de Ejipto en kaminando a pies en la Mar Kolorada. Se aze en el sieten dia de Pesah porke fue en este dia ke yegaron ayi. Durante el pasaje noman las sivdades de ande sus ansestros fueron desplasados en Evropa. Unas famiyas de Rumania mostran el exodo en inchendo el kavesal kon objetos pezgados indo alderredor de la meza de Seder.unas kuantas vezes. Se mostra ke partieron kon sus objetos en la espalda.

6] LA KUPA DEL PARO

Inchir una kupa para Eliyahu i a vezes para Miriam o Ruth es un ritual bien konosido en el Seder. Los Judios en India inchen otra kupa por el eroe i malo Paro. El vino se mete en las kupas de kada uno en la meza en ridikulizando al Rey malo de Ejipto.

7] NO AY PLATO DE SEDER AKI

Los judios del Yemen no se sierven de platos. En lugar de esto se sierven de la meza entera komo el plato del Seder. Esto reflekta el tiempo ande kada uno tenia su tabure individual en Tunisia. «Moshe fue metido en un sako i la matriarka de la kaza lo toma pasandolo sovre la kavesa de kada uno diziendo’ Partimos de Ejipto». Los otros dizen «Ayer fuimos esklavos i oy somos libres. Este anyo estamos aki i en el anyo viniente seremos un Puevlo Libre en Israel». Lo mismo se aze en Maroko, eksepto ke se uza el plato.

8]  PESAH EN ETIOPIA

Asta 1900s Pesah era selebrado en Etiopia solamente segun las kostumbres lokales de la Tora. Entendian la palavra Hamets komo una komida fermentada. Por esta razon no konsumian el yogurt, la manteka i el queso. Matavan a un kodrero metiendo la sangre arriva de la entrada a la sinagoga. La istoria de la salida de Ejipto se meldava direktamente de un Sefer Tora. Oy munchos de eyos en Etiopia i en Israel adoptaron las kostumbres rabinikas.

9] YAHATZ MISTIKO

En munchas komunidades  en el Norte de Afrika, romper la Matza en medio tiene un aspekto mistiko i parece a la letra «Heh» ke en si tiene una konotasion de Redempsion Kabalistika. La valor numerika de «Heh» es 5 i la kupa sinkena se reserva por Eliyahu el profeto ke anunsiara la yegada del Mashia. Unos Judios de Siria rompen la matza de manera ke paresca a las letras «Dalet i Vav» ke tienen la valor de 10.representando las 10 plegarias.

10] LAS HARVADAS

Kuando se kanta DAYENU, unos Judios de Persia i Afganistan se meten a harvarsen en la espalda. Esta tradision representa el sufrimiento de los judios komo esklavos.

[MY JEWISH LEARNING]