Yo me siento siempre horozo por Daniel Benbaneste

– Savesh deke ?

– No espero nada de ninguno. Porke las expektativas siempre fieren

– La vida es kurta; entonses kale ke tengas amistad para la vida.

– Kale ke estes horozo i ke kontunees a riyir.

– Bive espesialmente para ti solo

– Eskucha bien antes de avlar

– Pense bien antes de eskrivir

– Gana bien antes de gastar

– Perdona antes de azer tus orasiones

– Sientelo en tu korason antes de azer danio a un otro

– Kale ke tengas amistad antes de aboreser

– Perkura antes de arepentirte

– Bive antes de murirte

– Esto es la vida. Sientela, bivela i toma gusto de eya

– Lo ke ay adientro del kantariko, emana para afuera!

William Shakespeare

Konseja:

Komo ogmentar las kojetas en el Kal

La kashika de donos en la kehila se avia vaziado. El gabai ke estava dezesperado, desidio de tomar mizuras de emerjensia.

Ansina fue ke enkolgo un anunsio en la puerta de la kehila, diziendo: «En muestra kehila ay un ombre ke se esta enkontrando kon una mujer ke no es su esposa. Yo kero ke este ombre meta fina manyana 200 shekel en la kashika de donos del kal. Sino vo anunsiar su nombre, ke todos sepan ken es!»

Al dia sigiente kuando avrio el gabai la kashika de donos, topo ayi 25 bilietos de 200 shekel kada uno, i un bilieto de 100 shekel kon un papeliko al lado, eskrito: «Aspera otrun dia antes de anunsiar, te prometo ke oy vo adjustar i kompletar lo ke manka»