eSefarad Noticias del Mundo Sefaradi
A fuersa del Palo
Eskrito por: MOLIERE
Traduisiado por: LEON SASON Aranjado por: ALBERT ANAH
Rejisado por: ALBERT YAFE – ALBERT ANAH
Los Jugadores:
AVI KANDIOTI, LEVANA POYASTRO,ALBERT VAKIL,JAK ABORESI,VIOLET BAHAR, ETI CARASI, MOEIS DIRLIK,YAKOV RASIER, SARA SARFATI, LIZET DIRLIK, MATI KANDIOTI
Sala de «Sharet», en la kaye Hayim-Ozer en Petah-Tikva.
Bilyetos, mezo Suzy Gabbay, Tel. 03-9316963, i David Dayan
054-4593102.
» Este anyo sera 20 anyos, ke empesimoz el okupamiento de meter en shena, pyesas en la lingua «Judeo Españyol» (ladino); en el Moadom Tarbut Bat Yam de la Itahdut Yosei Turkia.
Bivimos kon la esperansa ke esta okupasion tenera kontuniasyon. Kon jovenes de la nueva jenerasyon ke uzan la lingua, i tambien espektadores incheran el salon…
La piesa de este anyo fue eskrita de mano del famozo eskrivante «Moliere» i traduisida de parte del kerido «Leon SASON». Albert ANAH la aranjo kon su mestreria i metida en shena por Albert YAFE juntos kon Albert ANAH.
El jugo fue adaptado a la vida de kazalinos en los anyos 1940/50 en la Turkia donde la rason de las mujeres no era akseptado komo oy en diya. Tenemos de ver kualo puede azer un buen palo a siertas personas! Todo esto kon un poko de humor.
Kon esta okaszon devemos rengrasyar a la «AUTORIDAD NASYONALA DEL LADINO» ke no mankan de darnos apoyo.
Vos aguro un espektaklo amusante.»
