eSefarad Noticias del Mundo Sefaradi
Las Estreyikas d’Estambol, el uniko koro de kriaturas en el mundo ke es dedikado a la muzika djudeoespanyola, estuvieron demuevo en Cordoba, Espanya, esta ves 25-29 djunio, envitados de la munisipalidaad de Cordoba, i kon el apoyo del granrabinato de Turkia.
El koro fue fondado i es dirijido de Izzet Bana. Los miembros ke fueron a Espanya son:
Alara Alkan, Cem Kaspi, ?zel Nahmias, Rakel Saranga, Dafne Beri, Nesli Kohen, Cenk Beharti, Melih Banana, Doruk Barokas, Rayka Zavaro, Igal Sapan, i Ceymi Memi kon flutisto Barish Zilberman, Gitaristo Izi Eli .
Noche de Shabat eyos asistieron en servisios relijiozos en la sinagoga de Casa de Sefarad. Despues de komer, todos se fueron al Jardin Botanico, ande dieron el konserto, asistidos tambien, en perkusiones, de la muzikologa Judith Cohen i su ija Tamar Ilana.
El konserto, kon «multimedia» i eksplikasiones, turo 90 minutos, i los oyentes aplaudisieron en pies a Las Estreyikas.
Felisitamos a Izzet i Las Estreyikas por esta reushita.
Fuente: Rachel Amado Bortnick, Dallas, Texas. Ladinokomunita – Izzet Bana
Me gustaria muncho de oyr este koro ke es muy hermozo y ande se topa un CD. Yo ya tengo uno,havra otro uno?
Yo tengo un CD de este koro ke me encanta muncho. Ay mas otrouno CD?
Estimada Viviane le aconsejamos visitar la web de las Estreyikas http://www.estreyikas.com/espanyol/el.asp para averiguar sobre estre tema.
Saludos
eSefarad
Tienen un DVD. Lo mejor es escribir a Izzet Bana a su adreso electronico.
R